CaKa 第一次食西餐~~ (芝士火腿粟米焗薯+蜜糖焗雞翼) 附食譜

噙晚 Caka 第一次食西餐~~ 梗係啦!! 新屎坑嘛!! 新焗爐嘛!!

餐湯 : 忌廉磨菇湯 小食 : 芝士火腿粟米焗薯

芝士火腿粟米焗薯

材料：焗薯一個
餡料：煙肉/火腿 一條切碎、粟米、牛油、蛋沙津醬、芝士碎適量

(1) 焗薯放滾水中煮10-15分鐘，盛起，用錫紙包好。
(2) 焗爐預熱15分鐘，將焗薯放入焗爐 焗45分鐘。
(3) 焗好後可用叉輕輕插入焗薯中，插得入代表焗好了。
(4) 用牛油起鑊，將煙肉/火腿炒香盛起備用。
(5) 用刀將焗薯切開2邊，但不要切到底部，用匙羹將餡料鋪在焗薯上，放進焗爐焗至芝士變金黃即可

試過網上快速方法, 超work呀!!!
如果想縮短時間，可以把兩個焗薯先放進微波爐 (先用叉插孔)，用高火焗10分鐘 (4個馬鈴薯則要15分鐘) 但用微波爐焗薯的表面不脆，故此可以在馬鈴薯表面擦點橄欖油和鹽。然後放入焗爐用200度C多焗10分鐘。

================================================

主菜 : 卡邦尼意粉  小食 : 德國辣肉腸

新屎坑既 : 蜜糖焗雞翼 !! 新嘗試... 又真係好好味喎!! 成功!!!!

蜜糖焗雞翼

材料:  雞翼  12隻 / 蜜糖  適量 (掃面用)

醃料:  生抽  2湯匙 / 糖  2茶匙 / 香草 適量 / 蜜糖  1湯匙 /  黑胡椒  適量      

1.    雞翼洗淨抹乾, 用醃料 (除蜜糖外) 拌勻醃最少2小時
2.    下1湯匙蜜糖拌勻醃半小時

3.    焗爐預熱180度, 焗盤內鋪2層錫紙, 上放燒烤架 (鐵架)

4.    雞翼放入焗爐焗約10分鐘

5.    反轉另一面再焗10分鐘

6.    將焗爐加熱至220度 (不用等)

7.    兩面掃上蜜糖, 焗5分鐘

8.    再兩面掃蜜糖, 反轉焗5分鐘

9.    再兩面掃蜜糖焗至金黃色即可
============================================

好真係鍾意 "西餐既方便" ...好真係鍾意 "西餐既好味" !!

不過...."西餐" 真係好肥~~~ 真係用好多牛油... 用好多芝士!!
陳生... 你要食多d多d多d啦~~ 我... um.. 真係有d擔心!!