焗藍莓芝士餅+木糠布甸(香蕉版) <附食譜>

<from yahoo blog>

上星期六啦陳小姐整餅...佢~~教我整焗藍莓芝士餅!!  嘩~~ 見佢一抽二袋咁黎我屋企...攞哂佢屋企D整餅嫁餐黎... 真係超級有誠意呀~~~ 係過程中先知道原來陳小姐真係超級細心.. 又好專心咁整野... 相比下~~ 我真係超級超級超級拿西.. 哈哈哈!!

"焗藍莓芝士餅"  出場啦!! 味道唔錯喎!! (不過~~ 我覺得整餅麻煩好多呀!!)

好~~~ 到我既木糠布甸啦!! 今次係參考網友既改良版 (加左香蕉) .. 哈哈~~ 雖然好似有D九唔搭八!! 但係真係超~~~~~~好味架!! 哈哈哈哈!!! 當然唔係個個 (陳小姐啦..陳先生啦..) 都接受到新事物架啦...哈哈哈~~~ !!!

我既木糠布甸 (改良版) - 香蕉 verson !! Excellent !!!!!!!!!!!!!

==================================

"焗藍莓芝士餅" 食譜

材料 : 6"吋 蛋糕模
消化餅底 - 消化餅 60gm / 淡牛油 30gm -座至溶液
芝士餡料 - 忌廉芝士 250gm / 糖 50gm / 牛油 55gm -座至溶液  / 蛋 100gm or 2隻(大)-攪勻 / 檸檬汁 3/4 茶匙 / 檸檬皮 1/4 茶匙 / 藍莓餡 60gm

做法
(1) 預熱 180 度焗爐
(2) 消化餅加入牛油溶液 30gm 拌勻, 壓實於蛋糕模內雪凍備用
(3) 忌廉芝士加糖打滑至糖溶解, 分4次加入蛋, 每次打2分鐘
(4) 加入檸檬皮及汁, 最後加入牛油溶液 55gm 用刮拌勻, 倒入蛋糕模內
(5) 180度焗 30-35 分鐘
(6) 放焗爐內放 2 分鐘 , 即成

木糠布甸 (可改加香蕉) 好味既!! 
材料:  瑪利餅 200gm / 煉奶 100gm / 可可粉 2湯匙 / 淡忌廉 500ml / 雲呢拿油 1/4 茶匙

1. 先打碎瑪利餅干, 將其中 50gm 加可可粉攪勻, 備用
2. 將淡忌廉打勻至至5成, 軟身
3. 再拌入煉奶打起至 8成及加入雲呢拿油, 試味
4. 將瑪利餅碎放入柸底, 再將忌廉逐層重覆加入
5. 最後, 放已混入可可粉之餅碎放布甸面6. 放入冰格或雪櫃 2-3小時, 即成  (時乎個人喜好, 放冰格-布甸比較硬身 / 放下層-布甸比較軟身)