Caka 今晚既簡單廚房~~~ 洋蔥豬扒+麻婆豆腐(懶人版) 附食譜

<from yahoo blog>

Caka 今晚既簡單廚房~~~

第一次用 "豬扒搥" 整洋蔥豬扒... 唔~ 咸左D者...又咁深色既~~~麻麻地!!

第一次整既 "麻婆豆腐" ...  一粒星!! 好味!! !! ..... ... 我愛簡單既蠔油西生菜 ... 哈哈!!

麻婆豆腐 (懶人版)

材料：豬肉碎$15 / 嫩豆腐 2塊 (切粒) / 李錦記麻婆豆腐醬汁 1包

1. 熱鑊落油2茶匙, 炒熟豬肉碎

2. 落豆腐粒及醬汁

3. 輕手攪拌, 慢火煮至汁濃

陳生話: 我買得 3塊豬扒咁少咁搞笑... 仲要留兩個飯盒....
每人都無1塊食喎~~!!  (哦... 下次買多D囉.... ....知啦 ~~~~~~)

By Caca


洋蔥豬扒 (食譜1: 唔好味, 豉油味重, 咸的 @_@")

材料: 無骨豬扒8塊 / 蒜蓉2湯匙 / 紅蔥茸1湯匙 / 洋蔥1個 (切絲) / 磨菇片 少量
汁料:

1- 將豬扒用刀背井字形咁啄鬆豬扒兩面 (平均每面都要啄2次) / 再用蛋白浸 30 min
2- 用基本野(除生粉), 加蒜蓉, 紅蔥茸, 老抽少許倒入大碟內兜勻
3- 將豬扒放入醬汁, 兩面沾上好醬汁, 然後兜勻, 再將豬扒一塊塊疊好, 等20分鐘
4- 快火落油起鑊, 先將豬扒兩面煎至金黃, 轉中火, 再煎到豬扒硬身即成
5. 然後炒香洋蔥至軟身加磨菇片, 略炒一下加入汁料, 然後埋獻即成

洋蔥豬扒 (食譜2)

材料：無骨肉眼豬扒 / 洋蔥 1小個 (切絲)
醃料：生抽 1湯匙 / 紹興酒 1湯匙 / 鹽 1/8茶匙 / 糖 1/2茶匙 / 粟粉1/2湯匙 / 麻油 少許 / 胡椒粉 少許
調味料：水 3湯匙 / 茄汁 1/2湯匙 / 生抽 1茶匙 / 糖 2茶匙 / 李派林喼汁1/2茶匙

1. 肉眼扒洗凈，抹乾水份，用刀背略為拍鬆，加入醃料拌勻，醃約 15分鐘，備用。
2. 燒熱油約 3至4湯匙，以半煎炸方式將肉眼扒煎至兩面金黃色，盛起待用。
3. 再燒熱油 2湯匙，爆香洋蔥絲，炒至軟身及微黃，注入調味料及肉眼扒，兜炒片刻至材料熟透及汁料收乾至濃，即可盛起上碟，趁熱供食。