第一次整 "奶油津白+酒香煀/薑蔥炒田雞" (附食譜)

<from yahoo blog>

第一次整 "奶油津白".. 又幾易整喎~~好味!!

"奶油津白" 食譜

材料: 津白1斤 (黃芽白或紹菜) / 牛油 / 鮮奶 2 柸 / 金華火腿 少量 (切粒)

(1) 金華火腿隔水蒸10分鐘, 瀝干 / 燒紅鑊, 鑤香, 備用

(2) 津白洗淨切件, 滾水落津白, 煮10分鐘, 盛起備用, 灼菜水半碗備用

(3) 紅鑊下牛油, 煎至金黃色, 加鮮奶, 再加半碗灼茶水, 煮滾後試味, 可加鹽

(4) 最後放入津白攪勻 1 分鐘上碟, 灑金華火腿在津白面, 即成!!

不過... 本人要補充一點... 是次因為無買金華火腿... 所以用左煙肉代替!! 哈哈哈哈哈哈!!!

=======================================

我一生第一次整田雞.. 的確好深刻..第一次睇住阿賣魚勝一手揸住腳young young 既田雞...一刀切甩佢個頭.. 而田先生既反應咪係郁郁下個身囉..睇住勝哥重覆做左四次.. 血林林咁.. 真係開始有d 笠水... 不過又抵喎.. $21蚊4隻.. ok 呀~~
返到屋企.. 咁arm同朋友仔講開田生既事.. 朋友仔話: 你靜間灑鹽個陣.. 田生仲震得勁呀!! .. 好啦.. 我灑鹽啦~~ 田生真係不停咁震.. 我問朋友: 佢唔會跳出黎架!! !! 朋友仔話: 咁又唔會~ 心就定好多啦~~ 鬼咩~鬼叫自己太愛食田雞..一心諗住一生總要學識整一次.. 抱住死就死啦既心態!! ... 唔~ 到斬腳趾啦又幾驚喎... 都真笠水架!!


"酒香煀/薑蔥炒田雞" ... 終於搞掂哂啦~~~

材料： 田雞 4隻 /  鹽  1 茶匙 / 生抽 適量 /  生粉 適量 /  薑 適量 /  乾蔥 4-5粒, 切片 / 蔥 大量 /  蒜  2 顆, 拍扁 / 草菇  適量

1.   將田雞斬件, 看不順眼的都拿走

2.   就放下醃料（鹽、生抽、生粉）拌勻，大約醃 10 分鐘就可以。
3.   把鑊燒熱放油，油也熱了就放入薑、蔥、乾蔥爆香, 放田雞及草菇炒, 炒大約 1 分鐘後, 然後就倒1碗水，剛好蓋到田雞，然後蓋上鑊蓋，轉中火, 煮5分鐘後收汁


不過... 田雞真係好好味~~ 下次... 我會買隻再肥d !! 哈哈哈哈哈!! !

因為你~~ 就等我對付田先生啦!! 哈哈哈哈!!!