locaxxxx & CxXx blog 2013 ^0^: 2010 3月9日.. 1403 的第一個客人!! (金菇牛肉卷+瑞士雞翼+糯米滋) 附食譜

2013年12月17日

2010 3月9日.. 1403 的第一個客人!! (金菇牛肉卷+瑞士雞翼+糯米滋) 附食譜

3月9日.. 1403 的 "第一個客人" !! 哈哈~~你真係大膽敢黎食我煮既飯...哈哈!!!!
有人客黎... 試下煲個快湯先... !!

瑞士雞翼... 唔係好夠甜既~~

材料：雞翼 1lb / 瑞士汁 200毫升 / 水 200毫升 / 薑 3片 / 蔥 (切段)

1. 先把雞翼洗凈，瀝乾水份。斬件。薑片及蔥段放入滾水(開水) 中，下雞翼拖水，去雪味和血水。撈起，放入凍水中浸 10分鐘，或直至雞翼冷卻。可使雞翼皮更滑。
2. 在一深鍋中，倒進香草瑞士汁和水，中大火煮滾後，放入雞翼。最好汁要蓋過雞翼。汁再滾後，轉小火，煮 8至10分鐘，直至雞翼熟，即成。

金菇牛肉卷 (from- Yahoo 通少)..好味~~

材料: 肥牛薄片15-20片/ 金菇一包, 洗淨
汁料: 日本清酒2湯匙 / 砂糖 1湯匙 / 醬油 (日本豉油) 4茶匙 / 味醂 1湯匙/ 薑蓉1/2湯匙

1. 先將每片肥牛抹乾, 平放, 再卷上金菇, 捲到尾段時, 先搽些粟粉, 再捲好壓實埋口備用
2- 快火落油 (1湯匙) 起鑊, 先將封口向下煎至金黃, 反去另一面, 煎至金黃盛起隔油備用
3- 快火把汁料煮滾, 熄火, 將牛肉回鑊, 沾滿醬汁上碟

==============================
哈哈~~ 8:30pm 先開飯 !!! 哈哈!! 咁慢架...久等啦!!
==============================

2020 再戰 ~~~ 參考簡易食譜 ^0^

材料 : 薄牛肉片 (20片) 約100 克 / 金菇 120克

汁料 : 日本料理酒 2湯匙 / 生抽（醬油）2½ 湯匙 / 味醂 2½ 湯匙 / 糖1湯匙

1. 金菇切去根部，冲洗乾淨，瀝乾水份。分成 8至 10等份。
2. 把牛肉片分成 8至 10等份，小心地把每份金菇用牛肉卷好。備用
3. 用易潔平底鑊燒熱少許油。鋪放卷好的牛肉，開口向下。用中火煎 ½分鐘。轉另一面。倒進汁料。轉大火，煮至金菇軟身，汁料煮濃些，即成。

==============================
甜品 "ah kit 師傅" 出場啦!! 今日係整....

原來好多步驟... 好煩呀... Miffy 同我都好疲累啦!!
2:30am 終於成功啦!! "糯米滋" 成功啦!! 超好味呀!! !!

(不過... 未必會再整啦!! 用太耐時間啦!! 哈哈~~)

芒果糯米糍食譜 (約12粒) 參考簡易食譜... 好味道~!!

材料：即棄膠手套 / 芒果2個 (切粒) / 糯米粉 220gm / 椰漿 200gm / 砂糖 110gm / 椰絲 1包

做法：
(1) 將椰汁和糯米粉拌勻 (慢慢落粉, 攪勻, 如果太杰可以加入少少牛奶)
(2) 落砂糖 (慢慢落, 攪勻) <= 超嘥時間...仲要好攰.. 好悶!!!!
(3) 碟上搽油, 倒入混合漿, 攞去蒸 30-45 分鐘 <= 久唔久要睇水位..免干水!! 哈哈~~
(4) 用筷子篤下熟唔熟.. 痴住即唔熟
(5) 蒸完後 (可攤凍少少), 戴上即棄膠手套 , 搽少油, 搓一小舊..壓平, 再放芒果肉入中間包住.. 再係椰絲上面碌下即可!(未必整啦!! 太疲累啦!! 哈哈~~ )

<網上資料 - 叮叮法：蓋上微波爐蓋，放入微波爐高火 8 分鐘，記得在蓋內洒水，以免叮的時候太乾 (見顏色一致，可以用湯匙挖起就可以了，約未熟，再加 1 分鐘至叮熟為止) <= 呢個方法我都試過.. 我唔建議 lu ..個皮好 un.. 都唔好味 !! >

今次有小朋友比佢試下用士多啤梨先, 不過都係芒果好味好多~~~ 哈哈