不停試~~不停試~不停試新野既我!! (三絲炒芽菜+雜菜湯+薑汁炒芥蘭+三味骨+茄汁蝦+蕃茄魚尾湯+薑蔥蝦) 附食譜

<from yahoo blog>

不停試~~不停試~不停試新野既我!!! 

青咖喱雞!!!      

三味骨

材料: 一字骨 or 肉排 4條 / 片糖 2 片 / 生抽 1/4 柸 / 老抽 1/4 柸 / 鎮江醋 1/4 柸 / 水 1 柸
(1) 一字骨 洗淨印乾
(2) 將所有材料放入煲內, 煲滾後轉慢火煮1個鐘, 即成

三絲炒芽菜

材料：芽菜 200克  / 火腿 數片(切絲)  / 鯪魚肉 ($10) / 雞湯 4湯匙 / 薑絲 酌量  / 鹽 少許  / 粟米仔

1. 先把芽菜摘去頭和尾部，洗淨瀝乾水份。
2. 燒熱油鑊，先將鯪魚肉煎香。切絲備用。
3. 用大火下薑絲爆香，加粟米仔炒至微軟。下芽菜，火腿絲，鯪魚肉，加雞湯略煮片刻。灑少許鹽炒勻。即成。

 

薑蔥蝦

材料：鮮蝦 1斤 / 蔥段 大量 / 薑 數片 / 乾蔥頭 6粒 (切片)
汁料 : 蠔油 / 老抽 / 麻油 / 生抽 少量 / 鹽 / 水 / 生粉

1. 鮮蝦剪去鬚及腳，去腸，瀝乾水份，放大滾油中走油，備用
2. 薑切片，蔥切段，備用
3. 熱鍋放2湯匙油，放薑片, 蔥段及一半份量的乾蔥頭爆香，放蝦炒香至6-7成熟,  再落汁料及少量雞湯, 最後放剩餘的蔥段炒熟, 即可上碟

蒸立腸!!  

薑汁炒芥蘭

材料： 芥蘭、薑汁、酒、雞湯
提示：芥蘭要浸水、清洗；摘去老的部分，用刀批去菜莖的厚皮，將菜斜切。
1. 薑去皮磨茸，放在隔篩上擠出薑汁。
2. 大火燒熱鑊，加油，放入菜莖加少許鹽和糖。炒一會再放入菜葉。
3. 沿鑊邊灒薑汁和酒，加少許雞湯，再炒一會，熄火，蓋鑊蓋大概一分鐘上碟，多餘的汁不要。

備註：糖可免芥蘭苦味。 

雜菜湯

材料 : 椰菜半個 / 蕃茄4個 / 紅蘿蔔2-3條 / 薯仔2個 / 粟米2-3條 / 西芹
調味料: 清雞湯1罐 / 水適量 / 鹽、胡椒粉適量

蕃茄1開8，椰菜切粗絲。紅蘿蔔、栗米、薯仔、西芹切至合適之大小。燒滾上湯及水，先放入紅蘿蔔、蕃茄、粟米、薯仔，煲腍紅蘿蔔，轉細火煲2小時。椰菜於吃前30分鐘才放入滾的湯中滾一會，以免過溶。加入鹽、胡椒粉調味。
 

蕃茄魚尾湯

材料 :  鯇魚尾 1條 / 硬豆腐 1 磚 (切大粒) / 蕃茄 3 個 (切件) / 洋蔥 1隻 (切片) / 薑 2 片

1.   燒熱油鑊，下油，下薑片起鑊
2.   下鯇魚尾，煎香表面，至金黃色
3.   煲滾約兩公升水，加入鯇魚尾及洋蔥，大火煮滾後，轉中火煲約二十分鐘
4.   加入蕃茄及豆腐再滾約十分鐘
5.   加小量鹽調味，即可飲用

茄汁蝦

材料：大蝦 6隻 / 蒜蓉 1茶匙 / 蔥粒 2茶匙
調味料：茄汁 1湯匙  / 糖 1湯匙 / 李派林喼汁1茶匙 / 白醋 1湯匙 / 鹽 1/8茶匙 / 水 1湯匙

(A) 方法

1.   先把蝦剪去頭部尖刺和腳，用針或牙簽在背部挑去腸臟。沖水洗凈，抹乾水份，備用。

2.   燒熱油鑊，放下蝦碌，把兩面煎至金黃色和熟透，每面約2分鐘。撥開蝦碌到鑊邊，放下蒜蓉爆香，加蔥粒，把蝦兜勻。倒進調味料，煮至汁收乾，即成。趁熱供食。

(B) 媽咪方法 : 

大蝦半斤- 爆香蒜頭, 放蝦炒, 落鹽半茶匙, 用茄汁包3包, 炒至干色, 要快易hon

仲有椰汁紅豆糕!!!!

無辦法!!! 人馬座既性格係咁怕悶架啦!! 哈哈哈!!

============================