日式咖喱烏冬+椒鹽雞軟骨+木瓜雞腳眉豆豬月展湯 (附食譜)

日式咖喱烏冬 (好味既!!! ^0^)

材料:  薯仔2個 (去皮切粒)、細甘筍1條 (切粒) 、蒜蓉、洋蔥半個 (切細粒)、日式咖喱磚 2-3小塊、漢堡扒 5塊、烏冬2個

1. 大火起鑊落油，煎香漢堡扒，備用
2. 大火起鑊落油，爆香蒜蓉、洋蔥碎後，下薯粒炒

香，加入調味料 (少許鹽、清雞湯、水份) 及甘筍粒加蓋炆煮，煮至薯仔轉腍後, 加入烏冬, 煮大約3-5分鐘, 熄火, 逐少加入日式咖喱磚 2小塊，即成

椒鹽雞軟骨 (勁難食呀, 可能我唔識炸野呱!!! @_@")

材料: 雞軟骨1盒 / 乾蔥頭 1 粒 /  蒜頭 1 瓣 /  指天椒 適量  (切粒) / 粟粉適量, 椒鹽粉 適量 / 即食腰果  適量

1.雞軟骨洗淨及乾水份,

2. 撲上粟粉, 以中大火放入雞軟骨炸至熟

3.鑊留一茶匙油, 放乾蔥頭, 蒜頭, 指天椒炒香, 熄火。再放入炸好的雞軟骨, 腰果, 再加入椒鹽粉炒勻。

木瓜雞腳眉豆豬月展湯 (ok 啦!)

材料：木瓜 1個 / 雞腳 8隻 / 眉豆 $3  / 去衣花生 適量 / 蜜棗 3粒 / 豬月展 $20  / 水 適量

1. 斬去雞腳的尖趾洗凈，放入滾水中拖水3分鐘，撈起備用。豬月展沖洗後，也拖水 3分鐘。
2. 眉豆，花生，蜜棗洗凈。
3. 把所有材料放入煲內，煲約 2.5小時。下鹽調味。趁熱享用。