CaKa Hse 的2nd 客人!! (三味骨+煎蛋角+咸蝦醬蒸鮮魷) 附食譜

上星期第一次煮5個人既餸... 的確有d緊張...哈哈~~ 因為我個超細飯煲第一次煮咁多人飯咋..  佢最勁只係得3嘜米咋~~~ 夠唔夠飽架!! !! 咁多人.. 整多 d餸先~~

第一次整既 "三味骨" ... ok 啦!!

材料: 一字骨 or 肉排 4條 / 片糖 2 片 / 生抽 1/4 柸 / 老抽 1/4 柸 / 鎮江醋 1/4 柸 / 水 1 柸

(1) 一字骨 洗淨印乾
(2) 將所有材料放入煲內, 煲滾後轉慢火煮1個鐘, 即成

=================================

想整 "煎蛋角"...點知整成 "煎蛋卷"...哈!!  

仲有...落多左蝦醬既 "咸蝦醬蒸鮮魷" ...仲有... "濕米湯" !!

不過.. 個晚既野實在太生手啦... 搞到你地成 9:30pm 先食飯...真係超級唔好意思!!
下次都係煎下雞翼..煎下腸仔快好多啦...哈哈~~~

臨走個陣.. 佢地比左兩個驚喜Qpon我添~~~ 多謝哂你地呀!! !!

咁幾時到 "你" 黎我到試食呀 ???
不過預約架...仲有預埋 8:30pm 後先有得食呀~~ 哈哈!! !!
==============================
"三味骨" 食譜
材料: 一字骨 or 肉排 4條 / 片糖 2 片 / 生抽 1/4 柸 / 老抽 1/4 柸 /
鎮江醋 1/4 柸 / 水 1 柸

(1) 一字骨 洗淨印乾
(2) 將所有材料放入煲內, 煲滾後轉慢火煮1個鐘, 即成
==============================

煎蛋角
材料: 蛋3隻 (用叉拌均，較勻及快）、碎豬肉適量、洋蔥1/3個（切成小粒）、蔥適量（切成微粒）
豬肉調味料：鹽、胡椒粉、蠔油、麻油、生粉、水

1. 先將所有調味料放於肉碎內，然後逐少逐少加水，一面加水，一面攪勻肉，直至肉攪起上來覺得輕身。（加水可令豬肉落鑊後自然變成「免治」狀，唔會黏成一舊舊）
2. 用少許油爆香洋蔥粒，直至熟透，留起備用。
3. 用油爆豬肉碎，一直炒至「免治」狀。
4. 加入熟洋蔥粒及蔥粒，炒勻，剷起置於筲箕隔去油和肉汁。
5. 落油於鑊內，油滾，放一中國湯羹雞蛋。
6. 待蛋起泡便立即將鑊離火，放洋蔥碎豬肉於蛋中央。
7. 鑊放回火上，立即將蛋用鑊鏟對摺成半圓形。
8. 將蛋先置於紙上吸油，再上碟。
=============================

蝦醬蒸鮮魷  (10人份量)
材料: 鮮魷2隻(買白身) , 豆腐泡, 粉絲(半包), 辣椒1隻(切絲)
汁料: 蝦醬2湯匙, 蒜蓉2茶匙, 生抽 少量, 胡椒粉2茶匙, 紹酒2蓋, 雞粉, 糖1湯匙, 水, 麻油 少量, 荳粉2茶匙

1)  首先要鮮魷洗刷乾淨, 去皮起骨走眼走嘴, 廚紙索干水, 再切片及界花 (十字紋), 用鹽同胡椒粉加少許酒醃好; 包保鮮包好放入雪櫃, 待用
2)  將豆腐泡洗淨切開一半;
3)  粉絲浸好後,  將切好的粉絲及豆腐泡平均舖在碟上, 將魷魚加入汁料so埋, 舖在上面 , 最後加辣椒絲
4)  隔水蒸6-8分鐘就可