鹽燒鯖魚 / 菠蘿雞翼 (附食譜)

鹽燒鯖魚..  好味道~~ 

[材料] 急凍鯖魚2片，薑汁1茶匙，黑椒粒少許，檸檬半個

1. 鯖魚解凍，略洗，用廚紙抹乾水份。在有皮的一面𠝹十字。
2.加入薑汁、黑椒粒及少許廚酒略醃。
3.灑上少許海鹽，以250度焗10分鐘。
4.灼少許法邊豆或露筍伴碟，食用時唧上檸檬汁口味更佳

Or  煎食 :  洗淨抹乾備用。中大火預熱下油，大概一分鐘。(不用太多油) 下魚，每邊煎大約三分鐘或至乾身便可。

2020.08 再戰 : 鹽烤鯖魚.. 個人覺得唔夠燶~~^^" (附食譜) 參考甜琛廚房

個人覺得唔夠燶~~^^"
材料 :  急凍鯖魚 1條 /  鹽 適量 / 黑椒  適量 / 油 (塗錫紙用) 少許 / 檸檬 ½個 / 白蘿蔔蓉 少量

1. 急凍鯖魚解凍，沖洗乾淨再用廚房紙印乾。
2. 焗盆鋪上錫紙，塗上一層煮食油防黏， 鯖魚在魚身𠝹幾刀，底面均勻撒上海鹽及黑椒，醃 10分鐘。
3. 放入已預熱 200°C 的焗爐，烤約 10分鐘，最後 2分鐘放在焗爐最頂層用 Grill 模式烤至表面焦香即成。 (或可改用火槍火炙令魚皮焦香 // 如沒有焗爐可改用平底鑊慢火煎香)
4. 白蘿蔔刨成蓉，檸檬切件； 食用時配上檸檬汁及蘿蔔泥風味更佳。


菠蘿雞翼
材料: 雞翼 15-18隻 (切邊) / 新鮮菠蘿 四片 / 青椒兩隻/ 紅椒一隻 / 薑 兩片
調味料: 雞粉 1 tea / 鷹栗粉 1 tea / 麻油 少許 / 老抽 2茶匙 / 波蘿汁 少少

1. 先將雞翼加入醃料, 半罐菠蘿汁醃10分鐘
2. 菠蘿及青紅椒切粒備用
3. 熱鑊加少許油，煎雞翼, 落薑片炒勻，加入雞粉炒至轉色，然後加入青紅椒略炒，(蓋上鑊蓋焗五分鐘) 最後加入菠蘿及菠蘿汁快手炒幾下，埋獻生粉水即成。