第一次試整 "海鮮餐" !! (芝士焗龍蝦-伊麵底+黃金蝦+花彫蟹蒸蛋白) 附食譜

<from yahoo blog>

因為盧阿妹既生日... 第一次試整 "海鮮餐" !!!

芝士焗龍蝦-伊麵底 (好味!! )  // 黃金蝦!! (超~~好味!!  )


花彫蟹蒸蛋白!! (失敗左啦!!好酒呀!!)

個晚既來賓... 辛苦你地啦~~ 搞到你地十點先有得食... 我會進步架啦!! 唔會再慢吞吞啦!!  哈哈~~! 

盧阿妹!! 祝妳生日快樂呀!! 祝妳年年開開心心~~年年心想事成呀~~年年事事順利呀~~年年身體健康~~ 年年好蠻星動呀~~ 哈哈!!

==============================

黃金蝦
材料 : 蝦 1斤 / 咸蛋 6 隻

1. 蝦洗淨，剪蝦腳 / 頭勾 ，蝦背切開開邊，挑屎
2. 蒸熟咸蛋約 20min，待涼壓碎
3. 蝦印干身，染荳粉，燒滾油炸蝦，盛起備用
4. 落牛油，中火炒咸蛋黃碎，加入紹興酒，糖 2 湯匙，生抽少許，兜勻炒至干身
    (想蛋黃炒至起沙，可加入酒或水繼續炒)
5. 落埋炸好的蝦炒下，即成

==============================

芝士焗龍蝦-伊麵底 … 超好味道!!!

材料：龍蝦2隻 (~$180斤) / 伊麵3個 / 蒜蓉4-5粒 / 史雲生1罐 / 芝士 4片 (3片: meet碎)

1. 龍蝦剪腳仔, 刷身, 聞下有無臭味, 放尿, 開邊, 清掉蝦腸,把鰓清除,開邊後再每邊斬成3件
2. 龍蝦件洗淨抹乾，在肉上沾上生粉。
3. 中火下多點油，滾後放入龍蝦件略炸走油。
4. 走油後的龍蝦拿起，備用。
5. 煲滾水把伊麵煮3分鐘（試麵身），舖定係碟內。
6. 整芝士汁 : 落牛油，爆香蒜蓉, 先下雞湯, 逐少落芝士碎，落糖1湯匙，煮滾
7. 放入龍蝦炒勻，煮3分鐘至熟,  將煮好的龍蝦及汁一併放入碟內, 最後舖上一片芝士。
8. 預熱焗爐, 以150度用15分鐘, 即成
===============================

花彫蛋白蒸蛋白… 第一次整係失敗既!!!

材料 : 花蟹 1隻 (約1斤) / 蛋白 4隻 / 蔥3條 (切粒) / 薑 2 片 / 水 200ml / 雞粉2 茶匙 / 花雕酒8湯匙 /  鹽 1/2茶匙 / 胡椒 粉1茶匙

1）花蟹劏好清淨，加4湯匙花雕酒、胡椒粉醃10分鐘。2）蔥切和薑片一起置深碟備用。
3）花蟹瀝乾花雕酒，排好放在蔥和薑片上。隔水大火蒸2約8分鐘至7成熟。
4）盛起花蟹，蟹汁待涼備用。蛋白加入水、 雞粉和鹽拌勻備用。蟹汁待涼後，與蛋白汁混和；保鮮紙包好碟，隔水大火蒸4分鐘
5）除去保鮮紙，在蛋白面上排花蟹，再灑上餘下的花雕酒再蒸3分鐘，灑上蔥粒即成