豉椒炒蜆+阿菇瑤柱蘿蔔+肉碎蠔仔炒薯粒+史雲生蛋白+蓮藕鱆魚綠豆瘦肉湯 (附食譜)

豉椒炒蜆  (超超超~~~~~好味呀!!!)

材料 : 蜆-1.5 斤半 /蒜頭 , 豆豉 (壓碎) , 辣椒(切粒) 3只 (大) - 適量 / 多蔥
                    
做法:
1. 蜆放入清水中浸泡,加入米醋 or 鹽使蜆吐沙,備用.
2. 落油起鑊,先將辣椒,蒜頭,豆鼓,蔥爆香.
3. 放入蜆以大火炒至微張口時,放入蠔油調味,兜勻炒一陣後熄火,再略焗 3min, 即可.



阿菇瑤柱蘿蔔 ... (普普通通啦~~家常便送囉~~)

材料 : 白蘿蔔1大條, 去皮, 切件 / 冬菇8隻, 浸軟 (壓出菇內的水, 去臭味) / 乾瑤柱浸軟, 捽碎, 4粒 / 蝦米, 浸軟, 切粒, 1/4杯 / 米粉1扎, 浸軟 

做法 : 

1. 冬菇去蒂切件, 用生抽, 糖, 麻油各1-2茶匙醃10分鐘, 快火油 (約1湯匙) 起鑊, 將冬菇炒香, 加蝦米, 乾瑤柱炒香
2- 加入白蘿蔔, 再加水蓋過所有材料, 水一滾改中火, 蓋頂炆15分鐘, 再加粉C 炆多5分鐘, 調好味上碟即成


肉碎蠔仔炒薯粒 (唔好食.. 麻麻地~~~ @_@")

材料 : 蠔仔- 1斤 / 豬肉碎-$15 / 薯仔- 2個 / 薑 , 蔥-少許
醃料 : 生抽 , 生粉 , 糖 , 麻油, 水 - 少許
                      
1. 蠔仔用麵粉過水洗三次,瀝乾水,薯仔切粒,備用.
2. 豬肉碎加入醃料醃約30分鐘.
3. 燒滾水,下少許紹酒,將蠔仔拖一拖水,撈起,瀝乾.
4. 再燒紅鑊,下薑絲,蔥段炒香後,加入豬肉碎,蠔仔,薯粒兜勻.
5. 燒紅鑊,下薯粒炒香,加少許水,待薯粒軟身,熟透後,撈起6. 加入少許蠔油,雞粉調味,即可.


史雲生蛋白  (食譜及份量由史雲生website提供, 超差~~超咸 囉!!) 

材料: 蛋白4只 (160ml) / 奶 160 ml / 粟米竹笙海皇羹1罐 (我覺得半罐囉~~) / 清水 80 ml

做法 : 

1 蛋白、奶及清水一起攪勻，放入鑊慢火隔水蒸10分鐘。 2 蒸熟後等2-3分鐘，直至蛋白有少少凝固。3 加入一罐粟米竹笙海皇羹煮熱，做成汁淋上面便完成。


蓮藕鱆魚綠豆瘦肉湯

材料 : 蓮藕-1條 /紅蘿蔔-2條 / 鱆魚(細塊)-2-3塊 / 綠豆-適量 / 瘦肉-$10 / 蜜棗-2粒

1. 綠豆用水浸15-20分鐘,將瘦肉飛水,撈起,切件,備用.
2. 煲內注入適量的水,開大火,待水滾後,放入蜜棗,鱆魚,綠豆,瘦肉約煲半小時.
3. 再加入紅蘿蔔,蓮藕煲半小時後,轉慢火煲1小時後,下少許鹽調味,即可