又有新菜 : "煎醸三寶" + "豆腐肉碎茄汁豆" (附食譜)

<from yahoo blog>

又有新菜:  "煎醸三寶" 啦.. "豆腐肉碎茄汁豆" 啦~~~

"煎醸三寶" 係好味既!!!! 我個人仲超鍾意紅尖椒..因為超辣超正..陳生唔食辣咪食豆腐卜囉.. 哈哈!!  (不過.. 我覺得事前工夫太煩啦... 要逐隻逐隻咁整魚肉先去煎.. 唉~~ 我以前勞作攞c 架咋!! 哈哈!!)

煎釀三寶
材料：現成鯪魚肉 / 青椒 1個 or 茄子 1個 or 冬菇 6隻 or  紅腸半條 or  尖椒2隻 (挖走辣椒籽)  or  硬豆腐1磚  or 豆pop $2  / 蔥粒 2茶匙 /  蒜蓉豆豉醬 1湯匙 / 蒜蓉 1茶匙 / 上湯 1/2杯

獻汁料：生抽2茶匙  / 糖 1/2茶匙 / 粟粉1茶匙  / 水 2湯匙  / 麻油 少許

1. 將材料切大件, 在青椒內和茄子面灑上少許粟粉，把醃好的魚肉小心釀入青椒中/ 茄子上面

2. 用大火燒熱鑊下油，轉中慢火，把釀好的青椒和茄子分別煎至表面金黃色，兜起備用

3. 再下點油在鑊中，下蒜蓉和蒜蓉豉椒醬爆香，倒進上湯，煮滾後，煮熟所有材料並軟身後，就倒進獻汁料埋獻

而呢味 "豆腐肉碎茄汁豆" .. 味道 ok 啦~~ 其實配搭有d 奇怪.. 哈哈~~ 梗係啦.. 我原先諗住整麻婆豆腐架... 不過唔記得買麻婆豆腐醬汁... 所以用茄汁豆代替.. 哈哈~~ 味道 ok 既~~ 夾既 !! 哈哈!!!!

豆腐肉碎茄汁豆
材料 :  豆腐 1大磚 ($6) / 豬肉碎  約100g /  蔥  3-4棵 (可減去) / 蒜 4粒 / 茄汁豆 1罐  (因為自己想食, 哈哈哈!!)
豬肉碎醃料 : 胡椒粉 1/2茶匙 / 豉油 1 茶匙 / 麻油 少許 / 水 1湯匙

1. 肉碎用醃料醃約10分鐘。豆腐略沖水，厚切件。
2. 燒熱3湯匙油， 落豆腐煎香兩面，每邊用中大火煎約2-3分鐘至金黃色，盛起。
3.  燒熱3湯匙油, 加入肉碎快炒至轉色，再加入蒜粒炒香，加入茄汁豆及豆付略炒，試味 (可加雞粉吊味)。

鯪魚肉炒西芹