"蝦錄" 晚餐 (話梅排骨+甜豆炒立腸+鮮茄紅衫魚+老王瓜瘦肉湯) 附食譜

話梅排骨 (超超超超~~~~ 好味!!!!)

材料 : 排骨 or 腩排 $30 / 蒜蓉1湯匙 / 薑片3片 / 話梅8粒, 浸軟才易起肉汁料: 生抽2湯匙 / 老抽1湯匙 / 片糖1/4塊 / 茄汁1湯匙 / 紹興酒1湯匙 / 熱水適量

1. 排骨先和薑片飛水(約10分鐘), 洗淨切條, 再用基本野醃10分鐘
2. 快火落油起鑊, 先把爆香蒜蓉, 落排骨炒至金黃, 加水到蓋過排骨1半, 水一滾加入話梅, 轉中火炆至汁料蓋過1/4排骨高度
3. 加入汁料, 慢慢兜至排骨完全吸晒汁料, 不用乾晒水, 上碟即成


甜豆炒立腸

材料 : 甜豆 2-3 盒 (去衣)、立腸2條、粟米仔1合
調味 : 酒 一茶匙、而生抽、糖、生粉、麻油、水、蠔油各適量

做法
1. 灼甜豆，拖水，放少鹽
2. 立腸蒸熟 (切粒)
3. 調製獻汁 (生抽、糖、生粉、麻油、水及蠔油)
4. 炒香粟米仔及甜豆後，再淋上獻汁和立腸，最後落一茶匙酒，上碟即可
("蝦錄" 事件 => 甜豆忘記起衣, 食個陣超多渣, 好低能!!! !!)


鮮茄紅衫魚(附食譜)

材料 : 紅衫魚2條, 蕃茄3-4個,  蒜頭2粒, 薑數片
調味 : 茄汁約1湯匙, 糖少許

1. 紅衫魚洗淨抹乾水份兩邊灑少少鹽備用
2. 蕃茄用刀介十字放入熱水中一會後去皮切粒備用
3. 熱鑊下油放入薑片, ("茶"一圈防痴底) 再下紅衫魚煎至兩邊金黃, 備用 (唔好太大火)
4. 熱鑊下少許油爆香蒜頭下蕃茄粒煮至熟透下茄汁及糖2茶匙及水1碗, 兜勻後試味, 淋上已煎熟的紅衫魚上便可
("蝦錄" 事件 => 本身想買紅衫魚, 點知錯買大眼雞, 好低能!!! 不過老公唔知囉~~!!)


老王瓜瘦肉湯

材料 : 老王瓜-1個 / 紅蘿蔔-1條 / 赤小豆 , 扁豆 - 適量 / 蜜棗-2粒 /瘦肉-$15

1. 老王瓜,紅蘿蔔切件,將瘦肉飛水,撈起,切件,備用.
2. 煲內注入適量的水, 開大火,待水滾後,放入蜜棗,赤小豆,扁豆,瘦肉略煲一陣.
3. 加入紅蘿蔔,老王瓜用大火煲半小時後,再轉慢火煲2小時,下少許鹽調味, 即可.

(準備 "蝦錄" 事件 => 想將老王瓜去皮, 好彩多口問下朋友仔, 原來唔洗去友架, 好低能!!!!!)