Caka 的簡單廚房~~~ 咖喱薯仔雞翼+三色蒸水蛋+菜心炒魚片 (附食譜)

Caka 的簡單廚房~~~ 全部都係我既第一次煮既餸!! !!

三色蒸蛋 (4人份量) .. 好好好味!!! 但唔滑既.~~~~ @_@"

材料：雞蛋 4 隻 / 鹹蛋 1 隻 / 皮蛋 2 隻 (切粒) / 瘦肉 4兩 (攪碎) or 瑤柱 2 粒 (早上浸夜晚用) or 用叉燒粒

做法：

1. 瘦肉用鹽、糖、生抽及粟粉醃 15-20 分鐘

2. 雞蛋打散，加入 2 湯匙熟凍水 及鹽1 茶匙，打勻備用

3. 鹹蛋打開，只要蛋黃，切粒

4. 在碟上平均鋪滿瘦肉 (分得平均o的、散o的) 然後倒入蛋液

5. 將鹹蛋黃粒 & 皮蛋粒鋪面, 用多個碟蓋上

6. 燒滾一鍋水，將碟放入，改用大火蒸 10 分鐘，ok！

白灼菜... OK 啦!! 夠味!! 哈哈!! !!
要比我阿媽睇下先得... 佢個女煮飯...簡直難以置信!!  哈哈!! !!

咖哩薯仔雞翼 
外表都 OK 架 .. 其實唔係好夠咸架...多水得濟.. 哈哈!!!!

材料：急凍雞中翼 6隻 / 薯仔1個 (切舊) / 甘荀1條 / 番茄四個 / 洋蔥一個 / 乾蔥 2粒 / 蒜茸1湯匙 / 水1杯

醃料: 雞粉1茶匙 / 生抽1湯匙 / 糖 1茶匙 / 胡椒粉 少許
咖喱汁: 咖喱粉1湯匙 / 鹽半茶匙 / 糖半茶匙 / 淡奶半杯 / 水 ¼ 杯 or 利川椰汁咖哩醬 (玻璃裝)
芡汁: 粟粉 半茶匙 / 水2湯匙

(1) 先將雞翼洗淨，索乾，切半，用醃料醃20分鐘，備用.
(2) 薯仔, 甘荀去皮, 洗淨, 切細件, 備用.
(3) 燒紅鑊, 將雞翼略煎, 盛起, 備用
(4) 燒紅鑊, 放入蒜茸, 乾蔥茸和蒜茸爆香後, 放入雞翼, 薯仔和甘荀略炒, 加入咖喱汁煮滾, 以慢火加蓋燘約20分鐘.
(5) 拌入已拌勻的芡汁煮至濃稠, 上碟, 搞定

 

方法 2 : 日式咖喱雞翼

材料 : 雞翼 3 隻 / 薯仔 2個/ 日式咖喱磚 2磚

調味料 : 鹽 1茶匙 / 生抽 2茶匙 / 糖 1茶匙 / 胡椒粉 少許

 

1. 雞翼洗淨，斬件，加入醃料約 1小時

2. 薯仔去皮，切件

3. 起鑊先爆雞翼至金黃色，加入薯仔兜炒

4. 下咖喱磚及 1.5杯水，加蓋煮至薯仔淋即可

 

菜心炒魚片