雪耳木瓜雞腳湯+南乳排骨芋頭煲+粟米汁小炒 (附食譜)

來個四餸一湯吧!!!!!

雪耳木瓜雞腳湯 <係成功既!! 好味!!>

材料：雪耳2個細 (浸泡) 去除根蒂, 撕成小朵，洗淨 / 中木瓜1個 (去皮去核，洗淨切塊狀) /  雪藏雞腳10隻  (出水, 唔斬腳趾) /  蜜棗3粒、鹽適量  <可加 : 雪梨 3個>

做法：將清水放入煲內，煮沸後加入材料，大火煲滾後，改用文火煲三小時，加鹽調味。
功效：此湯水有滋陰、清肺、潤燥功能。


南乳排骨芋頭煲 <都係成功既!! 好味!! from Yahoo-通少>

材料 : 腩排 $30 / 芋頭1小個, 去皮切粒
汁料 : 南乳3磚 / 花鵰1湯匙 / 老抽1湯匙 / 片糖1/4塊 / 生抽1湯匙 (可加柱侯醬)

做法 :
1. 先將排骨用基本野醃15分鐘備用, 同時, 快火落油(約3湯匙) 起鑊, 將芋頭炒至兩面微黃, 盛起備用
2. 快火落油 (約1湯匙) 起鑊, 落蔥,薑, 炒香排骨, 再加入花鵰, 生抽, 老抽,南乳兜勻, 加水蓋過3/4 材料, 滾後用中火加入片糖炆10分鐘, 再加入芋頭炆15分鐘, 間中攪拌材料, 以免燶底, 試味，即成

粟米汁小炒 < 樣衰衰, 但OK好味既, from Yahoo-通少>

材料 : 獅子狗 8條 (切段) or 炸魚片 / 罐頭草菇 (切半) 300克 / 小粟米 切段 8 條 / 中型洋蔥 半個 (去皮切件) / 牛油1湯匙 / 金黃粟米湯1罐

做法 :
1. 落1/2湯匙油，將洋蔥連1/3茶匙鹽炒2分鐘至軟身。再加入竹輪、草菇、粟米仔炒3分鐘。
2. 加入黃金粟米湯和牛油混合，改用中火煮滾，逐少加入熱水(大約半罐至一水罐) 至汁稠即可享用

虾醬通菜!! (今次清淡ｄ, 下次可加多ｄ虾醬)

仲有個 "豉油爆墨魚" ... 普普通通啦!! ok 既~~ 哈哈哈!!!!