再操刀!! (酒香乾蔥煀雞翼+紫菜豆腐湯) 附食譜

<from yahoo blog>

今晚朋友取消了飯局... 自己再操刀煮飯先~ (嘻嘻.. 因為黎緊個幾日都爛街..哈哈!!)
噙晚上網睇到人家 blog 既菜譜 "酒香乾蔥煀雞翼" .. um~~  我又鍾意食雞翼喎.. 今晚就試下呢個啦~~~ 第一次買紫色既 "乾蔥頭" .. 好得意!!
燈~~燈~~燈~~櫈!! 出場啦!! 仲有草葫同秀珍葫一齊...
自己第一次 feel 到 超超超超超好味呀!!! 哈哈~~ 好開心呀!! !! 仲有... 整左個 "紫菜豆腐湯"~~ 都 ok 啦~~~

酒香乾蔥煀雞翼 

材料:   金鳳雞中翼1磅半、秀珍菇、草菇、乾蔥頭7-8粒、蒜片、薑 
雞翼醃料: 少許鹽、薑汁、紹酒、生抽、老抽
調味料: (a) 紹酒細半飯碗 (b) 生抽、老抽、糖、水份

做法:
(1)     乾蔥頭去皮切幼條狀; 蒜頭切片備用
(2)     草菇一開二，然後將秀珍菇及草菇加薑汆水，隔去水份, 後加入少許蠔油醃好備用
(3)     雞中翼用鹽水解凍後，加入醃料醃約10分鐘
(4)     大火起鑊落油，爆香薑及蒜片後，加入乾蔥絲同炒，炒至乾蔥出香味後，加入雞中翼爆至表面上色後，鑊邊灒入紹酒 (即調味料a) ，加蓋片刻，然後再加入調味料 (b)，加蓋煮3-4分鐘後，轉最細火焗10-15分鐘，最後加入秀珍菇、草菇轉大火快手炒至收汁，如水份過多，可埋少許生粉水獻汁，上碟時加入麻油及灑上蔥花即成．
=======================

紫菜豆腐湯

材料 : 紫菜1片 / 豬肉 $10 (攪碎) / 豆腐 1盒 / 淡菜 $2 / 薑 3片

1. 白鑊煎下紫菜, 走沙
2. 浸淡菜 5-10分鐘, 走污joe 野
3. 糖, 鹽, 荳粉, 生抽醃豬肉 10分鐘
4. 凍水落薑, 放落大半煲水, 先落淡菜, 紫菜至大滾
5. 落豬肉, 豆腐, 試味

=======================

呢個就係 陳 C奶既 煮飯 look!! 
(偉記.. 你 n 年前送比我既圍衫.. 竟然用係我身!!哈哈!! )