台式香菇肉燥飯 / 滷肉飯 (附食譜) 味道咸左D D, 唔太似台灣既味道

台式香菇肉燥飯 / 滷肉飯 ... (參考 Jacky... 味道咸左dd , 唔太似台灣既味道)

材料 : 免治豬腩肉 $25 / 豬皮 $5 / 冬菇 約10數隻 / 乾葱頭 約10粒 / 蒜頭 半個 / 油 1/4杯
<我自己加了雞翼及雞蛋，咁有D餸食下~~~ ^0^>

調味料 : 紹興酒 1/4杯 / 老抽 半杯 / 浸冬菇水 2杯 / 砂糖 半湯匙 / 胡椒粉 半茶匙 / 五香粉 1茶匙

做法

1. 豬皮洗淨，切細粒。冬菇洗淨，用水浸軟 (浸冬菇水備用) 切粒。乾葱頭切片。蒜頭剁成蒜蓉，備用。
2. 鑊中落油約1/4杯燒熱，將免治豬腩肉及豬皮粒炒香至乾身及滲出油份，盛起，豬油留在鍋中。
3. <首先在雞蛋下水並加入少量鹽，煮滾後調至小火，煮約8-10分鐘即可。接著拿去水龍頭下沖水冷卻。備用。>
4. 下乾葱片及蒜蓉，以豬油炒香至焦黃及散出香氣，下冬菇粒及豬肉炒匀，下紹興酒、老抽及浸冬菇水，大火煮滾後改小火燜約 30min。<我同時加入雞蛋及雞翼>
5. 最後加入砂糖、胡椒粉及五香粉撈匀，再燜約5分鐘，熄火，盛起，涼卻後以保鮮紙封好放入雪櫃，隔天翻熱享用 (我就即時食, 咸左 d d, 唔知關唔關事)