鹹豆漿浸菜心/ 日式吞拿魚炒蛋/ 椰果牛仔骨煲 (附食譜)

鹹豆漿浸菜心  (OK既, 普普通通啦)

材料 : 榨菜粒 200gm / 油條, 切片1條 (我無落) / 菜心1斤 / 蝦皮 200gm (我又無落, 哈哈 ^^") / 豆漿 500gm

1. 將榨菜放入豆漿大火煮滾，下蝦皮，加適量鹽及黑胡椒調味。
2. 下菜心，浸熟後上碟，再舖上油條即可。


日式吞拿魚炒蛋 (OK既, 好味道既)

材料 : 蛋 4隻 / 油浸吞拿魚罐頭 1罐
調味料 : 鹽 少許 / 奶 少許 / 芝麻粒 少許 / 沙津汁 少許

1. 罐頭打開，隔出吞拿魚。
2. 用叉壓碎吞拿魚，直到變成肉鬆狀。
3. 打蛋。加少許鹽、少許奶，攪拌後再加入已壓碎的吞拿魚 。
4. 大火將平底鑊燒紅後落油，細火落蛋 。
5. 將蛋炒至乾身，上碟，加芝麻，沙津醬碟旁，完成 。


椰果牛仔骨煲 (甜甜地, 我個人麻麻地..嘻嘻~~)

材料 : 牛仔骨200gm / 椰果 110gm / 蜜糖豆 200gm / 蒜茸 1 湯匙
醃料 : 生抽 1茶匙 / 麻油 半茶匙 / 糖 半茶匙 / 胡椒粉少許
調味料 : 蠔油1湯匙  / 糖 1/4茶匙 / 鹽 1/4茶匙 / 紹酒半茶匙

1. 牛仔骨解凍，洗淨，切件，醃 30 min。
2. 蜜糖豆洗淨，撕去硬邊備用。
3. 熱鑊下油，放入牛仔骨煎至半熟，盛起。
4. 原鑊爆香蒜茸，加入蜜糖豆兜勻，牛仔骨回鑊，下椰果及調味料，慢火煮2分鐘即成。