2008-07-20 今日做番個 "女人" ..

<2008年7月20日 from yahoo blog>

今日我第一次 feel 到自己做番個 "女人" ... 無諗過今日自己竟然著左件婚紗上身.. 無諗過戴左條閃閃頸鍊.. 無諗過著對閃閃高踭鞋 (當時打左個冷陣).. 真係超唔慣..超怪... 超唔自在.. 超女人..

我今日一共試左三件大拖尾婚紗:

(第一件)   都幾靚架~ 佢個名叫 "六幅" 喎.. 聽個老闆娘講話係用 "六幅布車成" 既喎....哈哈~ 
(第二件)   前面有兩層V型層次.. lace 通花尾.. 不過算罷啦.. 都唔靚唔提啦..
(第三件)   佢個名叫 "水晶婚紗"...件衫好高貴.. d手功又真係好靚..一著上身覺得自己 "週身閃" .. 好搞笑 (心諗: 登台咩?)  但係我的確唔係走高貴路線...著左上我身好似有d老土.. .

阿ka 話我當時既反應好似好迷網咁.. 側哂頭咁喎..哈~ 我都唔知 tim..
當時我只係知道:  唉~ 真係要提早減肥...仲諗住拖到下年一月先開始.. 依家..唉~

試完之後..都覺得幾鍾意既.. 但係唔想第一次試就咁快決定住.. 想睇多一兩間先..老闆娘flora又好人屎..都無咩唔高興.. 我地就好唔好意思咁離開啦..

(今日無諗過自己第一次試婚紗.. 竟然咁近囉.. 都幾搞野..哈哈)

by caca