2009-07-01 七.一 裝修報價日

<2009-07-01>

今日請了師傅上來報價, 講到我口水都乾.... 真係好辛苦.
原來我地個廚房真係太細, 就連雪櫃都差D 擺唔落... 好彩師傅有個"冇辦法之中的辦法".... 就係拆牆改門口位... 我都覺得幾好, 師傅真係師傅. 哈
另外, Ca 請了個朋友仔上來幫忙, 比左好多好好的意見我地, 真係辛苦晒你地. Thanks a lot!!
初步估計都已經 "out bud" ... 下一步係講價, 希望有進一步下調的空間.
by Ka
==========================================================

係呀係呀~~ 今日我第一次拜四角呀 :
祝事事順利~ 身體健康~ 橫財就手~ 幸福快樂~~ 福星拱照~~ 兒孫滿堂呀~~

係呀係呀~~ 今日真係好似考 listening 咁呀~~ 不停咁聽野.. 聽到又攰又悶~~我.....悶咪週圍行下囉...同朋友仔吹下水蛇下王... 點知.... "盧小姐... 你過黎聽下你最唔鍾意既假天花啦  "... 哈哈!! 係係係... 即到 !! 人地真係好悶呀嘛!!  !!

有幸得 "陳大佬" 支持大局... 其實我知道辛苦你架啦~~~

係呀係呀~~ 好多謝朋友仔 "安師傅" 既俠義幫忙... 我真係估唔到 "安師傅" 做野既時候態度咁~~認真...講解又咁~~詳盡... 真係好尊業咁~~~ 難怪舊飯咁愛你啦... 呢個好男人都嫁得過嫁得過!! 哈哈!!  .... 仲有多謝我 "舊飯" ...悶左成個晏晝....哈哈~~~ (咁啦~ 欠住你地一餐 lunch 先啦~再睇你地表現啦!! )

係呀係呀~~ 咩原來做鋁窗咁貴架!! 咩原來我地咁多窗架!!
咩原來我地個廚房咁細既咩!!! 咩原來我地個雪櫃咁難搞架!!
咩原來整裝修真係咁貴架!! ....... 真係咩都唔知添....哈哈~~   !!

by Caca