2008-06-04 正式通知四老

<2008年6月4日 from yahoo blog>

正式通知四老 :

星期日晚陳大文首先通知陳爸爸&陳媽媽我地下年既婚期 -點知我只係聽到老人家話: 你地都定哂啦 !!!! 唉~ 心知不妙...慘聽陳文被 "哦"  ..有點無奈..~  後來我地再解釋只係星期五諗下先咋.. 未定日子架.. 咁啱又有婚紗節先去睇下咋..個場都係之前行街睇過一次之類.. 情況先轉好...... 初頭陳文都有點火...後尾先平靜左d...傾傾下..  又話想要夾下日子 .. 我地原定個日要避開... 聽到呢到... 我都有點無奈.......

真係唔明..  原以為結婚係開心事..... 我依家終於明白結婚唔係兩個人既事.. 根本係六個人既事..  煩~

到星期一晚..到我通知盧阿媽同盧老豆我地既婚事.. 我的確有d緊張.. 當然經陳文既慘痛經歷.. 我會加強修飾一下.. 多問兩句老人家既意見先.. 再講下只係計劃下咁啦..哈哈~ 效果當然好好多啦...幾勁! 哈哈~
盧阿媽既反應只係有d愕然無諗過者...到問及有無d咩日期要避.. 好彩兩老就無所謂者.. 只係叫我快d嫁鬼左去唔好阻住哂.. 後尾傾傾下.. 我今日先知道 "女家圍數" 既定義.. 原來我同陳大文都誤會哂.. 幣家火~條大數咪計錯左~... 唉~

依家12月12日酒席就 full左 lu .. 12月19日就撞期....

唉~ 算啦.. 咁煩唔鬼結啦 ~

(by caca)