2009-12-09 超開心悠長假期

<2009年12月9日>                                                            

 

今日收到個 email 好開心.... confirm 左我既悠長假期啦...

2010-01-25 to 2010-2-6 (Total 13 日呀!!!)

真係超超超超超超期待呀!! !!

 

by Caca

2009-12-09 深宵習慣..

<2009年12月9日>

自從開始有自己既家...先知自己有個咁 "深宵" 習慣 ...

次次都係 "深宵" 先覺得個地下好污joe...
"深宵" 先走去拖地.... 真係好古怪~~~ 哈哈!!!!

 

By Caca

2009-12-03 正式準備過大禮啦!!

<2009年12月3日 from yahoo blog>

搞掂 CaKa Hse 啦... 問始正式搞番我地壇野 ~~~ 下一步... 要準備過大禮啦!!

順便買埋d 濕碎野先..

呢d紅色野... 等我諗住比邊個負責攞先...哈哈~~ !!

by Caca

2009-11-27 About CaKa Hse

<2009年11月27日>

呢排開始有朋友仔黎 CaKa hse 睇下啦~~~ 哈哈~~ 奈何間屋太細... 搞到d朋友仔唔知迫去邊好添~~ 真係有d唔好意思.. 哈哈!! 佢地上到黎...呢排最多問既係.. "呢個買左幾錢呀? 個個買左幾錢呀?" .. 我地決定貼哂價錢表比你地參考下呀!! 哈哈~~~  !!

而我比較喜歡問既係 :
(Q1) 邊樣野令你最深刻 / 最鍾意?
(Q2) 邊樣野你覺得最怪怪地 / 唔鍾意呢?
==============================================================
因為你地既回應.. 真係好得意好搞笑!!

2009-11-22朋友紅小姐回應: (1) the picture..it is touching (2) difficult to know.. love ur home..
(Caca: . 誇張呀!!)
2009-11-25朋友仔陳小姐回應: (1) 我鍾意個鐘呀~ (2) 我唔鍾意黃色既房呀...我都唔鍾意黃色既!!  (Caca: )
朋友仔丁太太回應: (1) 我都係鍾意個鐘呀~ (2) 我唔鍾意廚房個博咁高..好易kick親!!  (Caca: 其實我都比佢kick過..隻腳趾仲超痛....我地仲諗緊辦法..)

2009-11-26同事仔阿G回應:  (1) 我鍾意個廁所~~門後面個掛勾好襯!! (2) 我唔鍾意間房張床咁細!!  (Caca: )
同事仔 lulu 回應:  (1) 我鍾意張枱~好得意!! (2) 我唔鍾意個鐘..放個到都唔襯既!!
(Caca:   .. 我反而最鍾意個鐘..哈哈!! )
同事仔飛花回應: (1) 我鍾意個廳呀~~ (2) 我唔鍾意廚房個博咁高...你地會有危險!!
同事牛哥回應: (1) 我鍾意個廚房.. 本身好細..但係整完之後都幾ok喎!! (2) 我唔鍾意個花槽呀~~好舊咁唔襯呀.. 要擺 d 野遮下就靚d啦!!
(Caca:  ..我又真係無諗過喎!哈哈!!)
支整男同事回應: (1) 我鍾意個發光人頭呀~~ (3) 我唔鍾意個衣帽間咁空 nil nil~~咁神聖既衣櫃點會擺麻雀枱架!!

(Caca:  我無你咁支整呀~~哈哈!!)
.........
..............
..................無你地名既....好快d book期啦.... .................
.....................................

==============================================================
下次啦....下次啦... 我會學識煮一兩樣野食招呼你地下!! (希望啦!! !!) ... 

by Caca ^0^

2009-11-26 沒完沒了的問題

<2009年11月26日>

昨晚又發現新大陸, 廁所坐廁漏水......

心情已經好平服了, 好像已經習慣了一樣......

 

by Ka

2009-11-24 CaCa: 無聊之作...

<2009年11月24日>

為左方便大家 ... 我親手整左 CaKa Hse 附近有既詳細交通指南... 哈哈~~ !!

有哂附近途經既九巴資料..!!
紅van 資料都有架.... 幾勁!! 方便大家玩通宵嘛.... 哈哈~~~ !!

 

by 無聊既 Caca .. 哈哈~~ !!

2009-11-24 e~e~聲 Sofa

<2009年11月24日 from yahoo blog>                                                            

最後既 e~e~聲 Sofa 都終於維修好了... yeah!!!!

安樂啦安樂啦!!

by Caca

2009-11-23 神秘的 "wedding invitation" card

<2009年11月23日>

Cakawedding 既 Invitation Card 呀... 2009-04-07 已經面世啦...
係我地自己 design 架.. 你睇下幾靚 !! 哈哈~~~~

(咦... 咁唔知醜架~~自己讚自己架~ )

兩個月前通知啦... 你地要準時到呀~~~~~~~~
我知你地有無黎架.... 哈哈哈 !!! ~~~

2009-11-19 CaKa Hse 完工啦!!

<2009年11月19日>

CaKa Hse 終於係 2009-11-15 入伙啦!! 所以 CaKa Hse 正式開放啦!!!!!

祝願以後生意興隆!! 開張大吉!!!!

 

(雖然張新 sofa 仲有 ee 聲... 仲未整... 不過頂住先啦!! 哈哈!!)

2009-11-19 我地既 prewedding 終於出場

<2009年11月19日>

我地既 prewedding 終於出場啦~~~~

你睇我幾型...有 pose 架!! 哈哈~~~  陳生..你都唔弱喎!! 哈哈~~ !!

我鍾意呢張... 哈哈~~ 影到我夠瘦呀!!! !!

呢張簡簡單單... 懶開心咁囉!! 嘻嘻!!

黑蚊蚊... 我地緊係 "型" 啦!! 哈哈!!

不過我地仲等緊其他.. 遲d比多d你地睇啦!! 哈哈!! !!

2009-11-18 一頭霧水既床上用品

<2009年11月18日>

昨晚去睇下d 床上用品, 真係比d sales 同到我口啞啞.....

SALE: 你要買床褥、床單、被套、枕頭、棉被、蓆.....?

SALE: 你地想買幾多針的質料? 我地係以平方吋計, 唔同人地用10平方CM計......

SALE: 你地要雙人4呎床單, 咁被套要唔要加大?

..... 真係成晚啞0左.....

最後買0左套Casa Calvin 特價$499 包: 床單、被套、枕頭

 

by Ka

2009-11-09 CaKa 的新產品..

<2009年11月9日 from yahoo blog>

呢個我新買既... CaKa 的新產品呀..

佢好勁架!! 係一個夾得扁既花樽... 幾得意!! !!  (唔鍾意咪收番埋去囉!!勁呢!! )

========================================================
而呢個就係陳生噙日買既 .. 哈哈~~~~

佢話抵喎!!!

說明書話一個適用於 300呎!!  (但係.....我地間屋咁細......!! 哈哈!! !!)

2009-11-02 辛苦哂啦!!

<2009年11月2日 from yahoo blog>

我地既 "CaKa" 已經九九十十啦... 仲有張床褥未黎啦... 仲有兩張櫈未黎啦....!!

月中應該可以招呼朋友啦!! Yeah!!

陳先生...盧小姐... 辛苦哂啦!!!!

==============================================
喜歡簡約既 "黑白色" ... 就是喜歡簡約的 CaKa !!!!

by Caca

2009-10-30 滲水驚魂

<2009年10月30日 from yahoo blog>

上星期比晒尾數師傅, 就不停買傢俬.

有一日突然發現牆身pop起一個如手掌大既地方, 真係好驚..... 唔通真係滲水... 我足足擔心0左幾日.

昨晚, 師傅們上來睇下係乜事, 竟然水喉師傅都上來, 其實他們都擔心既.... 入屋一看之後, 我看見他們都笑了, 因為他們都話這不是水的問題, 是批灰有點問題. 大家好像也放下心頭大石.

重有講有笑tim.... 最後, 師傅幫我把鬆了的灰也起出來, 如下圖.

希望快d 搞好, 可以快d 入去度假! 哈哈

by Ka

2009-10-22 再戰宜家家俬

<2009年10月22日 from yahoo blog>                                                           

今次阿ca 要對付既係一張櫈仔.
而我就負責電視櫃同書枱.

阿ca 真係好比心機去砌...

 但係.....

當中發生了點問題....

欲知這張櫈仔既命運如何, 請留意我地入伙時的總結, 哈哈.

2009-10-21 正式搞掂啦!!

<2009年10月21日 from yahoo blog>

今日買左盒朱古力比鼻孔先生... 因為係 Thank you 佢正式搞掂 CaKa Hse 啦!!

今日當然唔係只係比朱古力咁簡單啦... 仲比埋條尾數佢啦!! 心情自然大靚啦!!

最得意既係.. 前日我先o係電話同佢嘈完... 今日就買盒野比佢多謝佢既幫手...哈哈!!  可能佢會覺得 "女人" 既情緒真係怪.. 有咁大既變卦   !! 無計啦...大家都係燥底人... 都好易著火...咁過左啖氣.... 大家都好識做嘻嘻 hair hair 就算啦!!

老實講... 鼻孔先生既裝修都OK既... 只係個人唔會幫你記低野者...哈哈!! ! 而幾個幫手既師傅絕對係高班馬.. d手勢都唔錯架!! 只係個 "肥能"師傅懶過舊屎者...超拿西咁囉 (佢其實係水電師傅..因為佢叫阿能, 仲肥肥地既..討厭! )  都係唔好提佢啦!! 哈哈!!
哈哈~~ 今日心情唔錯... 今晚就要返去砌埋個宜家傢俬野...(係..又係宜家  ) ... 而我負責櫈仔部份呀!! 易過借火啦!!  哈哈!!
下一步... 要買埋 d傢俬就掂啦... 希望月尾前完成啦!!

by 安樂哂既 Caca

2009-10-12 終於清潔完畢啦!!! Yeah!! !!

<2009年10月12日 from yahoo blog>

10月1日終於清潔完畢啦!!! Yeah!! !! 

我主要負責屎坑同廚房... 而陳生就負責地板同窗 ....真係辛苦哂你啦!!

清潔完成... 做埋d正經野先 !!
"宜家傢俬" d 野..... 原來咁麻煩... 咩都要自己砌 ...

好彩.. 有朋友仔幫手... 嘻嘻!! 陳師傅就唔洗咁吃力呀!! thank you 呀~~ !!
(原來男人咁叻架!! 嘻嘻!! )

我 .... 都有幫手架 .. 輕巧 d 囉 !!! 哈哈!!  !!

不過諗諗下 ...........下次都係買現成啦... 方便好多!!! 哈哈!!  !!

2009-10-08 CaKa Prewedding by DM

<from yahoo blog>

噙日2009-10-07 終於完成啦... 終於完成 Prewedding 啦!! yeah!!!!

原來十月天氣影相真係好唔錯....又有陽光又有風.... 唔算太辛苦!!

不過我係熱底人... o係影既過程就不停咁出油...真係麻煩哂 Mabel 要不停為我印油啦 .. 哈哈!! !! 仲有真係多謝哂 DM 不停咁為我地干曬呀 ...哈哈!! !!
(返到屋企...我先發現自己曬黑左啦.. 個身仲有兩節色添!! )

今次我地揀左自己鍾意既 photographer - DM 影外景相呀... 我地因為唔想太辛苦太趕... 下晝只係揀左一個地方影咋...慢慢行慢慢影!! 幾舒適 !! 不過~~ 噙日先知... "keep住笑" 對我黎講.. 都真係幾難... 原來叫我無啦啦笑呀... 或者叫我笑幾個鐘呀...個嘴真係會 "梗" 哂架!! 我仲 feel 到自己真係笑得勁牽強囉!!  今日我先知.. 我真係唔鍾意笑架!! 哈哈~~~~ !!

比你睇下d相啦~~~ 你睇下 DM 幾認真!! 哈哈!! !!

仲有...我好鍾意 DM 教我擺 pose ...佢好投入!! 好正!! !! 哈哈!!
(我覺得我好渣呀!!  做極都做唔到 !!)

今次要多謝幾個人...

就係 : 我地既最重任既 "阿四" 啦... 因為呢個角色的確唔易做 ...要左一袋又一袋...又要攞水又要攞鞋...真係麻煩哂 "阿四" 呀!! !! 
仲有 : 勁有禮貌既 van 仔司機 "阿榮" 幫手!! 簡直事事順利呀!! 
最後 : 仲有 " 陳生 + 盧小姐 " 無你地咁肉緊...無你地既汗水.. 又點成事呀!! !!
真係辛苦哂你地啦!! 無左你地.. 我地一定好狼狽啦!!
辛苦哂啦!! 哈哈!! !!!

呀~~ 以噙日既表現...唔知我地會影成點...
我真係好緊張呀... 唔知幾時有相睇呢... 哈哈!! !!  (又搞掂一樣野...yeah!!)

By Caca ^0^
===================================================

by Ka
我都好開心, 因為兩年幾前當我發現dm 的時候, 真係好impress 我, 對我日後影相的方向都有好大的啟發.
能夠找到他為我地拍pre-wedding, 真係好開心, 我地可以完全信任他的指示.

其實如果以pre-wedding 睇, dm 真係唔貴, 重好值得tim, 你去一般婚紗攝影公司都萬幾兩萬落樓, 有時重要一肚氣, 但我地昨天玩得實在開心, 在輕鬆的情況下才會有最自然最美的相片, 唔好去太多地方同太趕都只會有一個辛苦的回憶. 哈

再次多謝 KK, DM, MB, Ca and Ka.

2009-09-30 門鐘事件!!

<2009年9月30日 from yahoo blog>
                                                          

阿師傅阿師傅... 可唔可以比少少 "heart" 呀!

我屋企唔洗要兩個門鐘咁多架!!!!!

By Caca  激鬼死!!!!

2009-09-30 陳生畫畫

<2009年9月30日>

原來陳生畫畫都幾好架 ... 簡簡單單... 都明架.. 哈哈~~ ...

(我都係第一次睇咋!! 哈哈!! )

by Caca

2009-09-25 裝修後清潔費用 $1200..

<2009年9月25日 from yahoo blog>

因為裝修 budget 超哂標標標~~ 所以我地諗住慳番 $1200 裝修後清潔...
唯有計劃星期六自己落手落腳做啦... 不過真係好多沙好多塵好多漬... 諗起要慢慢剷啦... 又熱啦... 唉~~~~ 真係苦命架~~ !!

當我地通知鼻孔先生話自己搞清潔個陣... 佢既回應係 :
下..你地自己整??  都出左咁多錢整間屋咯!! 都唔差在啦...
人地公司成隊兵黎搞架喎... .. 你地兩個點整呀...
你地開個d 拖地水野要開浠少少 .. 唔好彈到件衫..  到時好似旺角滴落黎個d咁.. 實穿哂 hone架...

我話 : 唉... 你唔明架啦....... 我地 out哂 bud呀..真係好窮.. 唯有自己試下先啦...我仲未結婚架...

點知噙日鼻孔先生回覆我 : 唉~~ 我搵左清潔公司啦... 你兩個點整呀...
佢地呢一兩日會上去..... (嘩~~ 咁開心既  !!)
你知道嘛... 因為佢減左價.. 一早講明唔送個清潔服務比我架啦.. 之後我再 nurse佢比埋我都堅持左好耐話唔肯... 今次咁突然話 "搞掂"... 真係好突然呀...好多謝鼻孔先生呀!! 呢單要赚少d啦 !! !!

Yeah~~~ 我地唔洗清潔 lu... Yeah!! ! 超開心心心心心呀!! 

by 突然覺得自己好好彩既 Caca ^0^

================================================
當清潔完後... 我地見到 .... .....

唉~~算罷啦...  都係要靠自己架啦..... 自己洗啦!!!  !! 陰公!!

By Caca

CaKa Prewedding (跳海篇..哈哈!!)

我地既 prewedding slide 終於出場啦... Yeah!! !!
當然.. 全部野都係陳生一手一腳做啦... 我見到陳生成日要對住d相...搞到半夜三間... 真係陰公.... 嘻嘻~~   !!

it's Show Time (要開 speaker呀!!)  yeah!! 我地去跳海啦 !!!!
http://www.youtube.com/watch?v=z2DBYD-DkWs

真係好鍾意我地既呢輯 "水野" slide show...!!

by Caca ^0^
========================================================
過左一日... 陳生又搞掂我地 "魔術先生" 既 Slide 啦!!  Yeah!! !!

http://www.youtube.com/watch?v=sDyK-hTvuc0
兩輯都係唔同既感覺... 都係我想要既野... 超開心呀!!!!!

2009-09-19 "巨爵"幫我地驗樓(一)

<2009年9月19日 from yahoo blog>

前幾日八號風球的 "巨爵", d 雨大到呀....

佢真係醒, 黎幫我地驗樓.... 幸好, 大的入水就唔覺, 但係就有間房的窗台角滲水, 攪到有d 水"卜"仔, 唔知買d 乜去攪好.... 叫0左師傅幫我地睇下, 希望d 油可以救翻.

遲d 再post d 相比你睇.

by Ka

======================================================

嘩!!.. 搵到啦!! 原來咁大個 hole 架 !!
巨雀阿巨雀.. 好彩得你黎一黎... 我先知咋!! 多謝你...哈哈!! !!

陳師傅... 唔該幫我搞掂個 hole 去啦!! 哈哈!!!!

2009-09-17 我都要幫手呀!!

<2009年9月17日 from yahoo blog> 見

大家都咁落力... 我都要幫手呀!!

======================================
咁辛苦... 梗係要食餐好獎勵下啦...哈哈~~ ~~~

發現左樓下新開左間熱狗舖... 超好味架!!

By Caca

2009-09-16 八八九九啦!!

<2009年9月16日 from yahoo blog>

好感動呀... 經過一個多月既頻頻撲撲 (買野啦... 討論啦.....冷戰啦..一星期去三, 四次旺角啦...不停咁往返新屋企啦..)... 我地真係好攰好攰!! !! 辛苦哂啦!! 

o係成個過程裡面... 我仲學識好多好多裝修野...哈哈~~ (原來油漆之前要扇灰啦... 裝射燈要係裝修前決定啦.. 屎坑有分唔同咀啦...等等等等啦.. 真係獲益良多既 ) ... 不過呢次大 project 都真係麻煩左好多人啦...屋企人啦朋友啦...包括你啦..你啦...你啦..同埋你呀!!! 哈哈~~ !! 就係因為我地 + 你地 =>  "CaKa Hse" 終於搞得八八九九啦 !!

而家最開心既係... 廚房廚櫃已經裝好啦... 煤氣爐終於裝好啦... 廁所屎坑終於裝好啦... 全屋既燈都裝好啦... 連冷氣機都裝埋啦...yeah!! !!

見到 "CaKa Hse" 終於似番間屋... 真係超感動呀!! 

而家仲有咩未整呢... 廚房到門未搞啦!! 裝修清潔未搞啦!! 仲要買埋傢俬添呀!!
呀~~ 最後最後最緊係既係: 搵個識驗樓既朋友幫下手 check 野啦!! 哈哈~~~
我要同我所有既朋友講 : 呢兩個月黎我真係 "喱" 埋左好耐啦... 我好掛住你地呀!! 月尾啦... 我要約你地啦!! 黎我到 "hea" 下~~ 哈哈!!  !!

(呀~ 唔係呀... 係你地要約我至啱呀!! 成日我約你地搞到我咁唔型..哈哈!!)

By "安樂哂既 Caca"

2009-09-11 不锈網

<2009年9月11日>

廁所 d 不锈網野洗唔洗咁貴呀.. d 架要成舊水黎掛毛巾  ...
唉~~ 好肉痛.... 過份呀!!......

點解我咁渣.... 一生人都識唔到個朋友係潔具公司到做...平少少都好呀!!
命苦~~~~ !!

By Caca

2009-09-10 燈燈燈....

<2009年9月10日>

近排忙到死, 咪又係為0左間屋!

一個星期出0左去旺角四次, 又去0左”宜家”兩三次, 只係為0左買兩支廳燈, 真係人都顛.

 

其實市面上有好多燈都好靚仔下, 但因為我係著重實際, 而阿Ca 則重視外型, 而價錢當然大家都要考慮, 在這種種的大前提下…. 可以選擇的其實唔多. 因為好多靚仔的燈都係吊燈, 即有一至幾條線吊住, 係就係靚仔, 但會比風吹到擺下擺下, 而且我地樓底又唔係高, 都係有d 問題. (不過我地間房就用0左宜家既吊燈… 因為當時冇念到會擺下擺下…)

 

最後我地係好疲倦既情況下, 買了兩支燈, 一支係Panasonic 而另一支就係好一般的飯廳燈. 希望裝上去之後又會OK 啦… 希望…

 

大至上安埋冷氣同廚櫃面就差不多完成了, 快d快d…!!

2009-08-31 藍色 (our CaKa PreWedding)

<2009-08-31>

愛上我們的藍色....

多謝由你塑造的我.......

享受你同我的一切...

今日既我 ...仍然好記得當日o係沙灘既心情..  興奮無比 .. 
印象依然深刻... 感覺一直留到今天....
因為我知道... 只有你會拖住我陪住我跳...

By Caca  

2009-08-31 我地既決定有時真係好突然

<2009年8月31日>

by Ka

有好多好突然的野已經買了, 例如座廁, 鏡櫃... 好多同之前定好的都改了.

EL DORADO 鏡櫃.... 其實我地都唔識係乜野... 但好似幾實正... 不過要加$50 租VAN仔

師傅已經裝了幾個插座, Schneider Electric 唔知係咪好勁....??

ROCA 水龍頭, 幾型... 不過唔知會唔會好易壞

又係ROCA, 最平的座廁都要$14XX + $80一條意大利自由喉.

2009-08-26 CaKa Prewedding

<from yahoo blog>

by Ca

2009-08-26 (三)  11:47am
今日難得優閒...下晝我地要盡情享受陽光與海灘呀!!! !!

====================================================

2009-08-26 (三) 23:31pm
今日超開心!! 心情真係超超超超~~ 興奮 !!!!! !!
好多謝您今日比個好藍好藍既天空我 !!  !!
好多謝 "阿add" 既全日幫忙 !! !!

好多謝 "司機" 既十公升汗水 !! !!

好多謝你肯同我一齊顛呀!! o係水既感覺真係好正!!!!

=====================================================

今次既活動... 因為天氣既問題調左日子... 嘥左 Ca阿妹既一日大假...
真係唔好意思呀!! 嘻嘻!!!

2009-08-24 大廳已經鋪好磚

<2009年8月24日>

by Ka:

今日又上了去八下D 進度, 原來地下已經鋪好0左, 正當我見到差不多完成, 真係幾開心.

但係我就見到阿CA 好似有心事咁, 原來佢覺得D 地磚出來的效果一般... 希望她可以快點接受, 其實都唔太差, 哈哈.

地下未拖好, 清潔完會OK GA, 黑色係要好清潔至好睇

其實都唔係好黃, 我覺得灰灰地TIM

2009-08-22 "好新奇" 既傢俬舖 + "好新奇" 既特餐

<2009年8月22日 from yahoo blog>

by Ca

噙日我地好 "尊程" 去到瀝源村搵一間網上 "一致好評" 既訂做傢俬舖頭..
去到我地都好突然... 原來係一間好村民好懷舊既地舖..

聽到負責人林小姐既詳細解釋 ... 個人又真係好 nice nice... 仲要中哂陳生既 "特別" 要求!! !!
再加上二百幾個好評... 睇黎陳生都係走唔甩啦 !! 哈哈!! !!
========================================================

跟住我地去左附近既茶餐廳食飯...  陳生仲叫左個 "好新奇既特餐" 添 !!

特餐例湯 : 花生木瓜豬骨湯 "超大 pat" 牛油方包  

小食: 咖喱青口 ...  沙薑雞脾飯...

當然跟埋 餐茶啦!!  (凍熱同價 tim) .. 盛惠 $37 蚊.. ok 啦!!

但係... 當我睇住佢食呢個奇怪 "特餐" .. 真係覺得有d 騎呢!!  !!! 心諗 : o下!! 平時我食開d 特餐都唔係咁既  !! 係~~ 係照舊有個牛油多士...不過舊牛油洗唔洗咁一大 pat 呀!!! 又會有咖喱青口跟咁古怪既 !! !! 仲加個中式薑茸雞脾飯咁古怪!! !

不過見陳生食得咁津津樂道... 可能 "男人" 又唔覺得有咩奇怪呱!! 哈哈!!!!

2009-08-21 一個星期只係有一日多雲有驟雨

by Ka:

本來星期一有d 正經野要做, 但係.... 只好改星期三.
對受影響的幾個好朋友, 說聲超級超級超級超唔好意思呀!!

日期	22/8 (星期六)	23/8 (星期日)	24/8 (星期一)	25/8 (星期二)	26/8 (星期三)	27/8 (星期四)	28/8 (星期五)
天氣
	天 晴 酷 熱 ， 局 部 地 區 有 驟 雨 。	部 分 時 間 有 陽 光 及 有 煙 霞 。 稍 後 有 幾 陣 驟 雨 及 雷 暴 。	多 雲 ， 有 驟 雨 。	部 分 時 間 有 陽 光 ， 有 幾 陣 驟 雨 。	大 致 天 晴。	大 致 天 晴 。	天 晴 酷 熱  。