locaxxxx & CxXx blog 2013 ^0^: 10月 2020

2020年10月16日

今晚食日本晚餐.. 金目鯛 / 氣炸椒鹽雞皮串 (附食譜) yeah!! ^0^

今晚食日本晚餐.. 香焗金目鯛 (附食譜) yeah!! ^0^
- 又稱喜之次, 簡單就食到日本深海料理, 低熱量又高蛋白質

材料 : 金目鯛 1條 (已加入少許鹽, 無需調味)

1. 魚洗乾淨用廚紙印乾

2. 焗爐預熱200度，12-15 分鐘

=====================================

氣炸椒鹽雞皮串 (附食譜)... 都係燒野食燒個陣最好味~~

- 放入氣炸 180度氣炸 4分鐘 ; 反轉, 再氣炸4分鐘

- 加椒鹽, 孜然粉, 七味粉

氣炸豬大腸

冷烏冬 / 日本帶子刺身.. 好味道~~

肉碎蒸金菇.. 味道ok (參考三餸一湯食譜) // 鯛魚噌壽湯.. 幾好味~ 參考KitMak食譜 ^0^ / 味噌湯 (三文魚湯底).. 參考簡單食譜, 好味~ (附食譜)

肉碎蒸金菇.. 味道ok (附食譜).. 參考三餸一湯食譜

材料：免治豬肉200克 (我改用左廚餘免牛, 哈哈~) / 金菇2包 / 薑茸半湯匙 / 蒜茸半湯匙 / 葱粒適量

調味料：生抽1茶匙 / 老抽半茶匙 / 蠔油1湯匙 / 紹酒1湯匙 / 鹽半茶匙 / 糖半茶匙

1) 金菇切除根部，分成小撮，平均地鋪在碟上。

2) 下油，油滾爆香蒜茸及薑茸，加入免治豬肉炒至熟透。加入所有調味料炒勻，盛起。

3) 把炒好的免治豬肉，平均地放在金菇上，加蓋大火隔水蒸6分鐘。

4) 取出，撒上葱花，即成。

味噌湯~~

1/ 鯛魚噌壽湯.. 幾好味~ 參考KitMak 食譜 ^0^

材料 : 刺身級日本產鯛魚柳 50克 / 白蘿蔔半個 / 甘筍半條 / 香菇 3個 / 本菇 1包 / 大蔥半棵 / 水1.5公升 / 昆布汁 1／4杯 / 味噌 3湯匙

做法：

1. 白蘿蔔去皮切條；甘筍去皮切片；香菇切片、本菇去底部；大蔥切片。

2. 魚柳切片，備用。

3. 燒熱油，下大蔥、香菇及本菇炒香，注入水煮沸。

4. 加白蘿蔔、甘筍及昆布汁，加蓋煮至腍身。

5. 關火，加入味噌調味，拌入刺身鯛魚柳即可。

2/ 味噌湯 (三文魚湯底).. 參考簡單食譜, 好味~ (附食譜)

材料：三文魚骨 1大條 / 10杯水（2.5公升）/ 味噌 2 湯匙 / 豆腐（切丁） 1大塊 / 海帶酌量/ 蔥粒酌量

1. 先把 10杯水，煮滾（煮開）。海帶跟包裝紙上說明，浸水泡軟，洗凈，待用。
2. 把三文魚骨洗凈，瀝乾水份，切段。放在燒熱的平底易潔鑊上，分批煎至兩面微黃。只需放很少油就可以，因為三文魚煎時，會出頗多油份。放入滾水中，煲約 1至 2小時。大約剩下 4杯（1公升）。
3. 在三文魚湯底中，加海帶煮滾後，再煮片刻。轉慢火，下豆腐粒繼續煮至滾後，就可熄火。取出少許湯把 2湯匙味噌溶解後，倒回湯中。自己試味。因味噌有鹹度，自己可隨意增加，或加湯底減鹹度。建議先加 1湯匙半味噌，逐漸增加。灑下蔥粒，即成。

2020年10月15日

第一次跟朋友整薄餅 Pizza, 好開心~ yeah~~!! (附食譜)

第一次跟朋友整 Pizza, 好開心~ yeah~~!! (附食譜)

材料：

Pizza粉190克

水110克

糖3克

酵母2.5克

鹽2克

橄欖油1.5湯匙

- 茄醬：茄汁加茄膏加香草加黑椒粉或用現成意粉醬

- 火腿（Prosciutto / Parma ham）

- 番茄

- 芝士絲（parmesan / mozzarella）

- 黑橄欖 / 火箭菜

- 菠蘿

1/ pizza 粉過西

2/ 水和糖拌勻

3/ 撈勻成團後，輕塗油的盤中入雪櫃** (重要：免痴手）用保鮮膜封蓋好，最少90分鐘 👈

4/ 取出

- 之後加2克鹽搓幾分鐘

- 加2.5克酵母搓幾分鐘，再加油1.5湯匙

- 又搓又撻15分鐘至光滑麵團，滾圓。

5/ 麵團放入盒或盆中噴少少水

- 蓋好放在焗爐內（最好放杯熱水入去加快發酵）

- 放置大約1小時後👈🏻 至兩倍大

6/ 測試發酵-手指沾上麵粉，係粉團中心篤一下到底部唔痴手唔回彈即成

在檯面上，灑少許麵粉。拎出來篤幾下拍幾下排氣

- 之後搓圓再碌平成圓形，滾壓成圓餅

- 加上茄醬（茄汁加茄膏加香草加黑椒粉）或用現成意粉醬

- 加材料加芝士

7/ 入爐180度焗15-18分鐘。

8/ 芝麻菜用少許橄欖油和檸檬汁拌勻，灑在披薩上面，即成。

===============================

Pizza 大成功!! 要慶祝下~~~哈哈哈~ ^0^

黑椒滷雞比 .. ok啦, 傳統的味道, 哈哈~ / 百合炒木耳 / 粟子合桃蓮藕湯 .. 勁難飲~ _" (附食譜) / 泡菜

黑椒滷雞比.. (附食譜) ok啦, 傳統的味道哈哈 ^^".. 參考李錦記食譜~

材料 : 雞腿 500 克 [2 隻 ] 蒜頭 90 克 [略拍] 生薑 90 克 [切片] 蔥 1 根 [切段]

調味料 : 李錦記舊庄特級蠔油 3 1/2 湯匙廚酒 1 湯匙水 500 毫升

1. 用 2 湯匙油煎香雞腿，取起。

2. 用剩下的油爆香蒜頭、薑及蔥。

3. 加入雞腿及調味料煮沸。

4. 轉小火煮約 30 分鐘至汁濃，間中翻轉。

5. 加黑椒即成 ~

百合炒木耳 .. 清清地又幾好~

材料 : 蓮藕 1 節 (我無落) / 鮮百合100 克 / 蜜糖豆 150 克 (我無落) / 鮮木耳 50 克 / 生薑 2 片 / 油適量 / 鹽適量 / 砂糖適量

1. 將以上各種蔬菜洗淨備用，鮮百合用鹽水浸泡以防發黑。

2. 燒熱油，加入鮮百合快炒至軟身，再盛起置於碟中

3. 再燒熱油，爆香生薑，加入蜜糖豆(我無落), 蓮藕 (我無落) 及木耳，以少量鹽及糖調味，加小量水份煮滾。

4. 再把鮮百合回鑊中炒至熟透，即成。

粟子合桃蓮藕湯 .. 勁難飲~ *_*".. (參考 Cook1Cook食譜)

食材 : 蓮藕半斤 / 去皮栗子200克 / 合桃 2兩 / 蓮子1兩 / 紅棗 4粒 / 薑1大塊 / 水2升

1. 將全部材料洗乾淨，蓮藕切塊或切段。

2. 大火煲滾水，放入全部材料。

3. 水再滾後，轉慢火煲1小時。

泡菜大比併

- JONGGA :好難食~
- (左) Taste Jinni Kimchi : 菜新鮮 d d ~~ 但唔夠辣

- (右) 759 職人逸品 : 夠辣啱我~ 但菜質偏淋

=====================================

有個愛心簡單早餐, 已經好滿足~

疫情期間師奶仔真係靠哂佢~~ ^

2年前買?!... 但今時今日仲係咁鍾意佢..
LEGO車仔,come from Japan!! yeah!!! ^0^

2020年10月14日

爆脆炸大腸兩食 : 氣炸炸大腸 // 鹹菜炒豬大腸.. 勁好味~~... 參考韋太我家私房菜 (附食譜)

爆脆炸大腸

做法 1. 氣炸炸大腸 (附食譜)

1. 冰箱取出, 唔洗解凍

2. 落小小胡椒粉, 鹽, 黑椒

3. 預熱氣炸鍋, 放入氣炸鍋 180度 10分鐘

4. 反轉，再200度 3分鐘, 即可, 淋少少豉油即成。

做法 2 : 鹹菜炒豬大腸 (附食譜) ^0^... 勁好味~~... 參考韋太我家私房菜

材料 : 我買左氣炸豬大腸 1磅 (現成夠快)、鹹酸菜 1包(或 150克)、蒜頭 2粒、紅辣椒1隻 (隨意)

醃鹹酸菜料 : 砂糖 1茶匙、白醋 1茶匙

調味料: 幼鹽 1/4茶匙、雞粉 1/2茶匙、胡椒粉 1/4茶匙、砂糖 1/2茶匙、老抽 1茶匙

生粉水: 生粉1/2茶匙、清水 1/2茶匙 (拌勻)

1. 鹹菜用清水浸30分鐘，然後瀝乾切絲，鹹茶加入醃料醃15分鐘。

2. 蒜頭切成茸，備用。

3. 燒熱鑊，落1湯匙油爆香蒜茸，加入鹹菜炒勻，最後加入豬大腸略炒, 加蓋煮10分鐘, 再加調味炒勻，可以加入少許生粉水埋芡即成。

韋太小貼士 :

急凍豬大腸已預先處理及清洗乾淨，而購買新鮮豬大腸，回家後清洗時會豬腸會有異味，請自行決定選購。

白咖喱炒雜菜 (附食譜) .. 好味道!!!! ~~ ^0^ 參考Justin 食譜

材料：椰菜花半個 / 木耳適量 / 甘筍適量 / 番茄 4個 / 乾葱 1粒 / 蒜頭 2瓣 / 辣椒 1條 / 青檸葉 2片 / 香茅 1條 / 本菇 20克 / 雞湯 2湯匙 / 水 1/2杯 / 椰糖 1茶匙 / 魚露 1湯匙 / 椰漿 4湯匙 / 青檸 1匙 / 芫荽 2束 / 金不換 4片

做法：

1. 椰菜花洗淨後切件；乾葱、蒜頭、辣椒切粒；青檸葉撕碎；甘筍切片；番茄一開二，備用。

2. 香茅先用槌仔敲打尾部，讓香氣散發出來，然後切片。

3. 燒熱鑊下油，放蒜粒、乾葱粒及辣椒粒爆香。然後下本菇、木耳炒至略為軟身，加水、雞湯及魚露。加入少許椰糖調味，然後放入香茅及青檸葉。

4. 煮滾醬汁後，加入椰漿，然後下少許青檸汁，再加入甘筍、番茄及椰菜花炒勻，然後再加入芫荽炒一會。

5. 上碟後，撒上炸蒜作裝飾，白咖喱炒雜菜就完成了