粟米肉粒/肉碎飯 ^0^ (附食譜)

粟米肉粒/肉碎飯

材料 : 梅頭豬肉 $20 (我懶得切, 所以攪碎^0^) / 粟米粒 1細盒 / 鮮忌廉或牛奶 200毫升 / 雞蛋 2隻


醃料 : 豉油 半茶匙 / 糖 1茶匙 / 粟粉  半茶匙 / 麻油 少許 / 水 少許

1. 先將豬肉加醃料約30分鐘備用.
2. 燒熱鑊落油一湯匙, 將豬肉粒落鑊煎炒至金黃, 然後盛起備用.
3. 原鑊落粟米粒略炒, 然後加1茶匙水煮至滾起, 將鮮忌廉或牛奶加入攪勻.
4. 然後將已炒熟豬肉粒加入略煮約一分鐘.
5. 煮至汁稠身加入已拌勻雞蛋, 輕輕攪拌成蛋花便可., 將粟米肉粒倒至碟上伴白飯即成。

冬瓜粒湯 (附食譜)

冬瓜粒湯
材料：冬瓜 1公斤 / 冬菇 8粒 / 蛋 1隻 （打散） / 薑 3片 / 瘦豬肉 $10 / 上湯1杯 / 滾水 酌量 / 鹽 少許  / 瑤柱 幾粒  (我加左蟹柳粒 ^0^) 醃料：生抽1 1/2茶匙 / 糖 1/2茶匙  / 粟粉 1茶匙 / 油 1/2茶匙

1.   先把冬菇洗凈，用清水浸軟，切粒。冬瓜去皮，洗凈切粒，備用。瑤柱, 浸軟 。瘦豬肉洗凈切粒，用醃料醃10至15分鐘。並預備滾水。
2.    放少許油在燒熱的鑊中，爆香薑片，放入冬菇兜炒一會，跟著下冬瓜粒繼續兜炒，注入滾水及上湯，待滾後，放入已醃好的豬肉，再煲10分鐘。下點鹽（試味）熄火，把打散的蛋汁倒進湯料中，略略搞勻成蛋花，即成


 

梅菜燘雞翼… 竟然好味!! (附食譜)

梅菜燘雞翼
材料 : 冷凍雞翼 1磅 / 梅菜3兩 / 薑6片 / 冰糖碎2湯匙
醃 料： 鹽、糖 各3/4茶匙 / 生抽、紹酒、粟粉各1茶匙 / 胡椒粉少許
調味料： 生抽、老抽各1茶匙 / 胡椒粉、麻油各少許 / 水3/4杯

1. 雞翼解凍，洗淨，下醃料拌勻。 將雞翼略煎，盛起。

2. 梅菜用鹽水浸片刻，瀝乾水分，切丁，用白鑊炒乾 ，加糖1湯匙 ， 糖受熱便溶化 ，兜炒時甜味給梅菜吸取 ，加老抽2湯匙調色。
3. 熱少許油，加入薑片爆香，下雞 翼、梅菜、調味料及冰糖同煮約8 分鐘即可

通少 : 富貴黃金魚 + 喼汁骨 (附食譜)

富貴黃金魚  ... 可能我醃魚耐左時間, 好咸~~ @_@"

材料 :  急凍魚柳 2 條 (切件) / 熟咸蛋 3個 (去殼) / 水 1/4 杯 / 牛油 1 湯匙

1. 魚柳用廚房紙抹乾, 用1湯匙胡椒粉及鹽抹勻醃5分鐘, 塗上薄薄生粉包好.
2. 大火下油約1/4杯起鑊, 下魚塊煎至兩面微黃色, 轉中火煎至全熟盛起, 隔油盛起.
3. 取出咸蛋王, 加入1湯匙水壓爛, 蛋白切細粒
4. 牛油用中火起鑊, 加入蛋黃茸及水炒王起泡, 慢慢加入魚塊及蛋白炒勻, 上碟

喼汁骨

材料 : 腩排 1磅 (斬至約 5cm長) / 可樂 1罐
汁料 : 紹油 2湯匙 / 糖 3 湯匙 / 生抽 2湯匙 / 老抽 3湯匙 / 水 8湯匙 / 喼汁 6湯匙 (後落)

(1) 排骨飛水約10分鐘, 用凍水洗淨抹乾

(2) 大火下油 2湯匙, 放入排骨, 注入生抽及老抽各1湯匙, 炒至外皮呈微焦, 再加入可樂及水蓋過所有排骨, 加蓋大火燘40分鐘 (注意勿乾水) 傾下肉汁, 加入汁料 (喼汁除外) 煮滾, 加蓋燘約20分鐘

(3)  關火, 拌入喼汁攪勻, 加蓋焗 15分鐘即成

 

 

試下.... 澳門買既蝦子麵 (附食譜)

試下.... 澳門買既蝦子麵 (附食譜)

材料 : 澳門買既蝦子 / 蝦子麵 ^0^

1. 先白鑊炒蝦子, 會比較香
2. 煲滾水 > 落面 > 了散佢 > 撈起 > 放入碗 > 加油同豉油撈勻 > 放入口
3. 可湯麵上 或 撈麵上碟

酥皮兩重奏: 杏仁酥條 + 芒果拿破崙 (附食譜)

杏仁酥條... 係成功既~~~!! 哈哈哈!!! 

材料：現成酥皮 2塊 / 砂糖 50gm / 蛋白1隻 / 杏仁片 1包

 

1. 用現成急凍酥皮，放室溫約30分鐘，待軟身, 拿2片用，把餘下的用保鮮紙四邊包好放入冰格保存。

2. 將蛋白加糖攪拌成蛋白糖霜 (質感較稠, 像冰淇淋)
3. 用酥皮平放, 用刀切成均等的長方形 (即垂直切成6-7條, 橫切2條, 每條約3cm闊 ) 用叉子於每條酥皮上平均刺孔 (約二至三下)

4. 把蛋白糖霜塗在於每條酥皮上, 再放上杏仁片(輕輕按一按表面, 讓杏仁片粘在蛋白糖霜上) 平均灑上適量的砂糖 

5. 預熱焗爐至180度，把酥皮條放入焗爐焗8-9分鐘焗至金黃色就可以

(記得睇火，因為很容易焗燶)

 

===========================

芒果拿破崙... 係成功既!!!!! yeah!!!

 

材料：現成急凍酥皮 1塊 / 吉士粉(即食) 100gm / 牛奶350ml / 芒果 適量

1. 先將酥皮切成4份, 用叉平均拮上小孔, 再放入預熱的焗爐, 以180度焗至金黃色(大約20分鐘) ok後取出攤凍待
2. 將即食吉士粉加入牛奶一起攪拌成吉士醬, 擺放於室溫中15分鐘以吸收水氣
3. 將一層酥皮, 舖一層吉士醬, 放一層芒果, 再舖一層吉士醬, 重複步驟, 頂部再放酥皮, 即成.

 

蒜茸牛油焗龍蝦尾 (超好味道!!!) 附食譜

蒜茸牛油焗龍蝦尾 (超好味道!!!)

材料: 急凍龍蝦尾  2只 / 牛油 / 蒜頭半個 (去衣,  剁成蒜蓉) / 黑胡椒 少量 / 芫荽少量

1.  龍蝦尾解凍, 洗淨. 抹乾水份

2.  用剪刀先由龍蝦背部中間的殼剪開.
3. 慢慢 用手指小心把龍蝦肉翻出來.將整個背部的壳剪去
4. 蒜蓉及牛油混合, 塗在龍蝦肉上.
5. 把已塗 蒜蓉牛油的龍蝦排在焗盆, 灑上少許即磨黑胡椒及芫荽.
6.  放入200 度已預熱的焗爐焗10-15 分鐘. 即成

薑葱炒759廣島蠔 + 香草芝士焗廣島蠔 + 史雲生周打蠔湯 (附食譜)

薑葱炒759廣島蠔

材料：日本廣島蠔 16隻 (1L size 細) / 清酒  少許 /  薑  3片  /   葱 (切段)   適量
茨汁： 蠔油 約1茶匙 /胡椒粉  少許   /麻油  少許/ 粟粉 半茶匙 /生抽  少許 /水 約1/3量杯        

                                                                 

1) 急凍蠔解凍，用生粉略醃後洗淨，用胡椒粉略醃)
2) 燒熱一鍋水，水滾後，將蠔加入出水約十幾秒，盛起備用
3) 燒熱油鑊，加入薑、葱爆香，將蠔加入同炒一會，加入清酒炒勻，再將茨汁加入炒勻，便成。

===============================

香草芝士焗759廣島蠔

材料：半殼蠔 12隻 (1L size 細) / 蒜蓉 2茶匙 / 牛油 1湯匙 / 新鮮百里香 1湯匙 / 碎 Mozzarella 或 Parmesan 芝士  3湯匙 / 麵包糠 2湯匙

1. 以清水小心清淨蠔肉及殼，以廚房紙吸乾水份

2. 焗爐預熱200度
3. 焗盤鋪上錫紙，放上蠔，如蠔放不穩，可摺起少量錫紙填在蠔邊來固定
4. 灑上蒜蓉、麵包糠、芝士、牛油、最後放百里香
5. 入焗爐焗12﹣15分鐘至芝士香脆

 

===============================

 

史雲生周打759蠔湯... 哈哈哈哈~~~

鮮什果果凍 (附食譜) + 失敗的棉花糖 @_@" + 韓國買既 DIY 朱古力棒棒, 勁靚呀~~~~

鮮什果果凍 (附食譜)

材料: 任何生果 / 大菜絲 10gm (剪碎) / 冰糖 130gm / 水 1300ml

1. 生果切粒 / 煲滾水, 落大菜絲, 冰糖，直至完全溶化
2. 溶好的水倒入模內，快手加入生果粒 (當然唔好太熱落生果) 因為大菜糕水好快會"鯨"
3. 灘涼, 雪凍, 甩模, 完成

================================

失敗的棉花糖 @_@"  (失敗食譜... )

材料 ：蛋白 100g（ 3隻 ）/ 魚膠片5片 (=魚膠粉 15gm) / 砂糖 90g (唔太甜的可減至70gm) / 水 80g / 椰絲 適量 / 栗膠 100gm

 

1. 將魚膠片浸軟, 記得要滴干水先加入粟膠溶液、否則水的份量會增加, 影響凝固 

2. 打發蛋白, 待用

3. 將栗膠, 砂糖, 水煮滾

4. 加入浸軟身的魚膠片, 一邊搞動直至煮滾

5. 將剛煮滾的溶液加入蛋白中,  一邊攪一邊倒, 攪拌約5-6分鐘

6. 將模具要預先加入薄薄的橄欖油, 以便脫模

7. 將 (4) 倒入模具, 掃平後蓋上保鮮紙, 放入雪櫃雪1-2小時

8. 撒上椰絲滿面，用刀輕刮四邊以助脫模, 切件後沾上椰絲

9. 完成, 可放置雪櫃中存2-3日

================================

仲有係韓國買既 DIY 朱古力棒棒, 勁靚呀~~~~

自製燻蹄 (蒜醋汁) + B仔雞翼 (附食譜）

自製燻蹄 (蒜醋汁)

材料 : 急凍咸豬手 1隻
汁料 : 指天椒2隻／蒜頭半個／米醋２湯匙／糖１.５茶匙／清水１湯匙

做法 :
1. 急凍咸豬手解凍，出手5分鐘，凍水沖洗
2. 用大火煲30分鐘, 再轉慢火45分鐘~1小時，用筷子篤下係咪全隻熟透。
3. 放在冰水降溫，完全沒熱力後，用廚房紙印乾水
4. 用小刀介皮，去骨
5. 用保鮮紙捲實，包成長條圓柱形，放入雪櫃雪1晚
6. 切片上碟

===========================
B仔雞翼（下次整B仔雞翼尖^0^）

材料：雞翼１磅／鹽２茶匙 ／指天椒６隻 ／蒜頭１個／糖３湯匙／雞粉２湯匙 或 雞湯 200ml／花雕５湯匙

1. 指天椒及蒜頭切碎
2. 雞翼解凍後出水洗淨，加鹽醃15分鐘
3. 花雕酒煮滾，加入雞翼後再加水至剛蓋過雞翼，煮至滾
4. 加入一半指天椒、一半蒜蓉及調味料
5. 收細火煮半小時
6. 熄火加入餘下指天椒及蒜蓉，蓋上蓋焗半小時

港式西多士 (附食譜)

港式西多士 (附食譜)

材料： 吐司 4片/ 花生醬 1~2大匙/ 煉乳 適量
蛋液材料：雞蛋 2個 /  牛奶 200ml / 糖 2大匙

做法：
1.將雞蛋、白糖攪打均勻，再加入牛奶拌勻，備用
2.取一片吐司，均勻抹上1大匙的花生醬，再蓋上一片吐司，成為夾心吐司
   另2片吐司也抹上花生醬，備用
3.將蛋液放入平盤中，再放入花生醬夾心吐司
   單面浸蛋洶，再翻面再浸，使其兩面吸飽蛋液
4.熱鍋，倒入適量的炒菜油加熱後，放進吸滿蛋液的吐司
   以小火慢慢煎至底部上色，翻面再續煎至金黃微焦
   等吐司煎的差不多時，即可放入1/2小匙的奶油，增加吐司的奶油香氣
 5. 最後 將煎好的吐司淋上煉乳，即完成港式西多士

我的無聊靚早餐... 哈哈哈~

我的無聊靚早餐... 哈哈哈~