茄汁炆蝴蝶腩 / 蝦肉韮黃炒蛋 (附食譜)

茄汁炆蝴蝶腩 (附食譜) ... 參考簡易食譜 ... 好味道 ^0^ ~~~

材料 : 蝴蝶腩 1斤 (我係銀杏館買) / 蕃茄粒 (去皮) 約2個 / 茄汁 約1 1/2碗 / 紅蘿蔔 1個 / 八角 1粒 / 香葉2-3片 / 香茅 2棵 (切開一半要下半截，白色部份) / 魚露 酌量

1/ 牛腩洗淨汆水。
2/ 紅蘿蔔切件炒至金黃盛起備用。
3/ 燒熱油， 放入蕃茄粒炒，再加入牛腩，魚露爆炒。
4/ 倒入茄汁, 八角, 香葉，香茅。
5/ 加水蓋過牛腩, 以炆焗方式去煮。
6/ 先煮 45mins, 再焗 10-15mins, 期間焗時不要開蓋。
7/ 在第 2次炆時，加入紅蘿蔔，再焗，重覆做直至牛腩軟淋。
8/ 試味，調味時 可以以魚露為主。

蝦肉韮黃炒蛋

材料 : 冰鮮蝦  (去殼) / 雞蛋 4隻 (發一會兒就可以) / 韭黃 少量 (洗淨，切段)

1. 蝦去殼，切半後用布吸乾水份，韭黃切段，加人雞蛋，鹽拌勻。 
2. 燒熱鑊，下油燒熱後關火，倒入蛋漿，快速炒成滑蛋，如未能炒成則可再開火，但要快炒，即成。