蝦仁豆腐蒸蛋/ 牛蒡粟米冬菇湯 (附食譜)

蝦仁豆腐蒸蛋... 清清地, 我鍾意 ^0^

材料 : 百福蒸煮豆腐 1 盒 (切小粒) / 鮮蝦 幾隻 (洗淨, 去蝦頭去殼) / 雞蛋2隻 (打勻) / 雞湯 100ml

1. 豆腐切小粒, 放入雪櫃30分鐘, 倒走水份

2. 雞蛋打勻加入雞湯  (可自行加少量鹽調味)

3. 把豆腐放入深碟中, 加入蛋漿, 放上蝦仁, 包上保鮮紙, 隔水蒸12分鐘

牛蒡粟米冬菇湯.. 我第一次整牛蒡野, 原來似d老火湯既味~~ ^0^

材料 : 紅蘿蔔 1 個 / 冬菇 6隻 / 粟米 1 條 / 杞子 1湯匙 / 豬展 $20 / 牛蒡 3 條

1. 牛蒡去皮切段。冬菇，杞子浸軟。
2. 粟米蘿蔔洗淨，蘿蔔去皮切大件。
3. 豬展洗淨飛水。所有材料放滾水，煲 2-3小時已可。

# 網上資料 : 此湯水老幼合飲,常服有助預防糖尿病,高血壓病。清熱，利尿，護肝排毒，更有降血壓,降血糖的功效,適合高血壓及糖尿病患者作保健之用。